ئه‌فسه‌رێكی پۆلیسی كرمانشان كوژرا

له‌میانه‌ی خۆپیشاندانه‌كانی دوێنێ

فه‌رمانده‌ی پۆلیسی كرمانشانی ئێران رایگه‌یاند كه‌ له‌میانه‌ی پێكدادانه‌كانی دوێنێ ئێران ئه‌فسه‌رێكی پۆلیس گیانی له‌ده‌ستداوه‌.

عه‌لی ئه‌كبه‌ر جودایان، فه‌رمانده‌ی پۆلیسی كرمانشانی ئێران گووتی: له‌میانه‌ی خۆپیشاندانه‌كانی دوێنێ له‌كرماشان چه‌ند چه‌كدارێك هێرشیان كرده‌ سه‌ر بنكه‌ی پۆلیسی ئیهلیه‌ 24 و ویستیان ده‌ستی به‌سه‌ردا بگرن، به‌ڵام ئیره‌ج جه‌واهری، ئه‌فسه‌ری بنكه‌كه‌ رووبه‌روویان بۆته‌وه‌و به‌فیشه‌ك برینداركراوه‌ و دوای گه‌یاندنی به‌نه‌خۆشخانه‌، كاتژمێر دووی شه‌و گیانی له‌ده‌ستداوه‌.

هاوكات ته‌له‌فزیۆنی ئێران رایگه‌یاندووه‌ كه‌ له‌میانه‌ی خۆپیشاندانه‌كاندا كه‌ له‌هه‌ندێك شاری ئێران روویداوه‌، ژماره‌یه‌ك هاووڵاتی و هێزه‌ ئه‌منییه‌كان برینداربوون.

وه‌رگێڕان و داڕشتنه‌وه‌ی / رزگار

سه‌رچاوه‌ / رووسیا ئه‌لیۆم