له‌ناسرییه‌ ته‌قینه‌وه‌یه‌ك ڕوویدا و قوربانى لێكه‌وته‌وه‌

ته‌قینه‌وه‌كه‌ لە بەردەم چێشتخانەیەك لە ناوەڕاستی شاری ناسرییەدا بووه‌


سەرچاوەیەكی پزیشكی رایگەیاند لە ئاکامی تەقینەوەیەك لە ناوەڕاستی شاری ناسرییە له‌ ناوەندی پارێزگای زیقار یانزه‌ خۆپیشاندەر برینداربوون.


 سەرچاوەكە باسی له‌وه‌شكرد ته‌قینه‌وه‌كه‌ به‌هۆی بۆمبێكی چێندراو بووه‌ كه‌ لە بەردەم چێشتخانەیەك لە ناوەڕاستی شاری ناسرییە تەقییوەتەوە و به‌وهۆیه‌وه‌ یانزه‌ كه‌س برینداربوون كه‌ برینی ژماره‌یه‌كیان مه‌ترسیداره‌. 

لەسەرەتای مانگی تشرینی یەكەمی رابردووەوە عێراق رووبەڕووی شەپۆلێكی بەرفراوانی ناڕەزایەتی و خۆپیشاندان بووەتەوە، شەپۆلی یەكەمی خۆپیشاندانەكان لە یه‌كی تشرینی یەكەمی رابردوودا دەستیپێكرد و ماوەی ھەفتەیەك بەردەوام بوو، شەپۆلی دووەمی خۆپیشاندانەكانیش لە بیست و پێنجی ھەمان مانگ دەستیان پێكردەوە و تا ئێستاش به‌رده‌وامه‌.

 هه‌روه‌ها بەپێی دوایین ئامار كە لە لایەن كۆمیسیۆنی باڵای مافەكانی مرۆڤ لە عێراق بڵاوكراوەتەوە، ژمارەی ئەو كەسانەی لە میانی خۆپیشاندانەكانی بەغدا و شارەكانی دیكەی عێراق بوونه‌ته‌قوربانی گەیشتووەتە سێ سه‌د و سی و پێنج كوژراو و پانزه‌ هەزار بریندار.