نووسینگه‌ی عادل عه‌بدولمه‌هدی ، سه‌رۆك وه‌زیرانی عێراق رایگه‌یاند، به‌مزووانه‌ پڕۆژه‌ یاسای ئه‌مه‌ت له‌كوێ بوو راده‌گه‌ێنێ.

سه‌عد حه‌دیسی، وته‌بێژ به‌ناوی نووسینگه‌ی سه‌رۆك وه‌زیران له‌ لێدوانێكیدا به‌ ئاژانسی هه‌واڵی عێراقی راگه‌یاندووه‌: ئه‌نجومه‌نی وه‌زیران به‌نیازه‌ بڕیار له‌ پڕۆژه‌ یاسای ئه‌مه‌ت له‌كوێ بۆ چاودێریكردنی سه‌روه‌ت و سامانی به‌رپرسان له‌ماوه‌كانی رابردوودا بدات.

گوتیشی: ئه‌م پڕۆژه‌ یاسایه‌ له‌میانه‌ی هه‌وڵه‌كانی حكومه‌ته‌ بۆ ئه‌و چاكسازیانه‌ی كه‌ پێشتر رایگه‌یاندووه‌.

حه‌دیسی روونیشكردۆته‌وه‌ كه‌ به‌م زووانه‌ پڕۆژه‌ یاساكه‌ ره‌وانه‌ی ئه‌نجومه‌نی وه‌زیرانی عێراق ده‌كرێت بۆ ئه‌وه‌ی ده‌نگی له‌سه‌ر بدرێت.

وه‌رگێڕان و داڕشتنه‌وه‌ی / رزگار