دادگای وه‌رزشی نێوده‌وڵه‌تی داواكارییه‌كی یانه‌ی مانچسته‌رسیتی ڕه‌تكرده‌وه‌

به‌ تۆمه‌تی پێشێلكردنی یاسای یاری دارایی خاوێن


 
دادگای وه‌رزشی نێوده‌وڵه‌تی داواكاری یانه‌ی مانچسته‌رسیتی بۆ پێداچوونه‌وه‌ به‌ بڕیاری یه‌كێتی تۆپی پێی ئه‌وروپا تایبه‌ت به‌ لێپێچینه‌وه‌ له‌گه‌ڵ یانه‌كه‌ به‌ تۆمه‌تی پێشێلكردنی یاسای یاری دارایی خاوێن ڕه‌تكرده‌وه

 ئه‌ویش دوای ئه‌وه‌ی له‌ مانگی ئاداری ڕابردوودا یوفا ده‌ستی به‌ لێكۆڵینه‌وه‌ له‌گه‌ڵ ئیداره‌ی مان سیتی كردو به‌رپرسانی تیپه‌كه‌ی تۆمه‌تباركرد به‌وه‌ی هه‌وڵیانداوه‌ به‌ نایاسایی كورتهێنانی بودجه‌ی مانچسته‌رسیتی چاره‌سه‌ربكه‌ن، به‌گوێره‌ی سه‌رچاوه‌كانی ده‌نگوباسی بریتانیا، یوفا سزایه‌كی مادی به‌سه‌ر یانه‌ ئینگلیزیه‌كه‌ ده‌سه‌پێنێت، به‌ پێچه‌وانه‌ی ئه‌و ده‌نگۆیانه‌ی كه‌ گوایا سیتیزێنز له‌ ڕكابه‌ریه‌كانی وه‌رزی داهاتووی چامپیۆنس لیگ دوورده‌خرێته‌وه‌