ببه‌ به‌ جه‌نگاوه‌ر، به‌ڵام جه‌نگاوه‌رێكی ئاشتیخواز

به‌رده‌وام په‌ره‌ به‌ خۆت بده‌، به‌رده‌وام شتی نوێ تاقی بكه‌وه‌

مارسیا پێركینز رید گوزاره‌ی جه‌نگاوه‌رێكی ئاشتی خواز بۆ كه‌سانی خاوه‌ن توانا و وزه‌دار به‌كار ده‌هێنێت، به‌و مانایه‌ی كه‌ ئه‌و مرۆڤه‌ له‌ هه‌موو ساته‌كانی ژیانیدا له‌ تێكۆشاندایه‌ و به‌رامبه‌ر به‌ كۆسپ و ئاسته‌نگه‌كانی ئه‌م جیهانه‌ ده‌جه‌نگێت، به‌ڵام به‌ مه‌به‌ستی زیان گه‌یاندن و كوشتن ناجه‌نگێت، یان به‌مه‌به‌ستی له‌ ناو بردن و ته‌فروتووناكردنی به‌رامبه‌ره‌كه‌ی نا جه‌نگێت. ته‌نانه‌ت، وه‌كو خۆی ده‌ڵێت له‌ بواری سیاسه‌تیشدا گه‌لێ سه‌ركرده‌ی ئاشتی خوازی ناسراو هه‌ن، بۆ نموونه‌ گاندی و مارتین لوسه‌ر كینگ و ماندێلا، كه‌ هه‌ر به‌ میتودی جه‌نگاوه‌ری ئاشتی خوازانه‌ گره‌ویان برۆته‌وه‌ و سه‌ركه‌وتنیان به‌دی هێناوه‌.

خۆڕاهێنان له‌ سه‌ر دینامیكیه‌تی ڕۆژانه‌

مارسیا پێركینز رید ئه‌م خاڵانه‌ی خواره‌وه‌ ده‌كاته‌ به‌رنامه‌یه‌ك بۆ مه‌شق وخۆڕاهێنان له‌ بواری هونه‌ری دینامیكدا.

1- خۆت ئاراسته‌ی چاكه‌ بكه‌، هه‌میشه‌ چاوه‌ڕوانی شتی چاك بكه‌.

2 – میهره‌بان و هه‌ریكار و شه‌فاف به‌ به‌رامبه‌ر به‌ هه‌مووان.

3- هه‌ڵسوكه‌وت له‌گه‌ڵ خه‌ڵكێكی پۆزه‌تیڤ بكه‌، با پێوه‌ندییه‌كانت له‌گه‌ڵ خه‌ڵكد له‌ سه‌ر بناخه‌ی هاریكاری و ڕێز له‌ یه‌كگرتن بن.

4- ئه‌و كاره‌ت خۆش بوێت كه‌ بۆ بژێوێ ده‌یكه‌یت، به‌ڵام ته‌نیا ئه‌و كاره‌ مه‌كه‌ به‌ شناسنامه‌ی خۆت.

5- بایه‌خ به‌ براده‌ریه‌تی سوودبه‌خش بده‌.

6- پێوه‌ندییه‌كی به‌رده‌وامت به‌ خوداوه‌ هه‌بێت، خۆیشت سه‌ربه‌ستی له‌وه‌ی چۆن ئه‌م وشه‌یه‌ لێكده‌ده‌یته‌وه‌.

7- لێبووردنت به‌رامبه‌ر به‌خۆت هه‌بێت، واته‌ له‌ هه‌ڵه‌ و گوناهه‌كانی خۆت خۆش به‌. دان به‌وه‌دا بنێ كه‌ هه‌ر ئه‌وه‌نده‌ت له‌ ده‌ست هات.

8- ئه‌و كه‌سانه‌ ببه‌خشه‌ كه‌ هه‌ڵه‌یان به‌رانبه‌رت كردووه‌. ئه‌وانیش هه‌ر ئه‌وه‌نده‌یان له‌ ده‌ست هاتووه‌.

9- به‌رده‌وام په‌ره‌ به‌ خۆت بده‌، به‌رده‌وام شتی نوێ تاقی بكه‌وه‌.

10- با كرداره‌كانت له‌ خۆشه‌ویستییه‌وه‌ سه‌رچاوه‌ بگرن.

11- كه‌ پێویستیت به‌ هاوكاری و یارمه‌تی كه‌سانی دیكه‌ بوو،سڵ مه‌كه‌ و مه‌ترسه‌ ... داوای یارمه‌تی بكه‌.

12-چ پاره‌ت هه‌یه‌، عاقڵانه‌ و به‌ئاسوودیی به‌كاریان بهێنه‌.

13- گوزاره‌ له‌ جه‌وهه‌ری خۆت بكه‌، له‌ هه‌رشتێكدا ده‌یكه‌یت گوزاره‌ له‌ بیر و داهێنانه‌كانت بكه‌.

ن/ د.فازڵ جاف

كوردستان تیڤی/ كامران