له‌ هه‌ولێر مەسرور بارزانی بەشداری لە مەراسیمی یادی له‌دایكبوونی پێغەمبەری ئیسلام (د.خ) دەکات

له‌ سه‌رتاسه‌ری كوردستان و به‌ تایبه‌تی له‌ شاری هه‌ولێر رێوڕه‌سمی ئایینی جیاواز به‌ڕێوه‌ده‌چیت

ساڵانە لە شاری هەولێر و شارو شارۆچكه‌كانی هه‌رێمی كوردستان، یادی لە دایکبوونی پێغەمبەری ئیسلام بەرز رادەگیرێت و چەند مەراسیم و ئاهەنگ بەڕێوەدەچێت و هاووڵاتیان خواردن و شیرینی دەبەخشنەوە.

ئه‌مرۆ شه‌ممه‌ به‌ به‌شداری مه‌سرور بارزانی سه‌رۆكی حكومه‌تی هه‌رێمی كوردستان یادی له‌دایكبوونی پێغه‌مبه‌ری ئیسلام (د.خ) له‌ شاری هه‌ولێر به‌ڕێوه‌چوو.  

مه‌سرور بارزانی سه‌رۆكی حكومه‌تی هه‌رێمی كوردستان و بە یاوەریی پارێزگاری هەولێر و جێگری سەرۆکی پەرلەمانی کوردستان و ژمارەیەک لە وەزیرەکان، به‌شداری له‌ مەراسیمی یادی له‌دایكبوونی پێغەمبەری ئیسلام محه‌مه‌د (د.خ) كرد.

به‌ بۆنه‌ی له‌ دایكبوونی پێغه‌مبه‌ری ئیسلام ساڵانه‌ له‌ سه‌رتاسه‌ری هه‌رێمی كوردستان و به‌ تایبه‌تیش له‌ شاری هه‌ولێر رێوڕه‌سمی ئایینی جیاواز به‌ڕێوه‌ده‌چیت و هاووڵاتیان خواردن و شیرینی دەبەخشنەوە و ئه‌و یاده‌ به‌رز راده‌گرن.