سكرتێری رۆژنامه‌نووسی سه‌رۆكی په‌رله‌مانی كوردستان روونكردنه‌وه‌یه‌ك بڵاوده‌كاته‌وه‌

گوایە ڕێگری لە سەرۆکی پەرلەمان کرابێت بچێتە هۆتێلی ڕۆتانا بۆ بەشداری لە پانێلی دیداری مێری

سكرتێری رۆژنامه‌نووسی د.ڕێواز فایه‌ق سه‌رۆكی په‌رله‌مانی كوردستان  رونكردنه‌وه‌یه‌ك بڵاو ده‌كاته‌وه‌و ده‌ڵێت: به‌داخه‌وه‌ له‌ هه‌ندێ ماڵپه‌ڕ و پێگه‌ی سۆشیاڵ میدیا هه‌ندێ هه‌واڵی هه‌ڵبه‌ستراو بڵاو كراوه‌ته‌وه‌ له‌سه‌ر ئه‌وه‌ی كه‌ گوایه‌ رێگری له‌ سه‌رۆكی په‌رله‌مان كرابێت بچێته‌ هۆتێلی رۆتانا بۆ به‌شداری له‌ پانێلی دیداری مێری.

بەداخەوە لە هەندێ ماڵپەر و پێگەی سۆشیاڵ میدیا هەندێ هەواڵی هەڵبەستراو بڵاوکراوەتەوە لەسەر ئەوەی گوایە ڕێگری لە بەرێز سەرۆکی پەرلەمان کرابێت بچێتە هۆتێلی ڕۆتانا بۆ بەشداری لە پانێلی دیداری مێری.

لێرەوە رایدەگەیەنین کە ئەم بابەتە هەڵە تێگەیشتنێک بووەو هۆکارەکەی کارمەندانی کۆمپانیای سیکیوریتی بووە لەو شوێنەو هیچ پەیوەندی بە پاسەوان و دامەزراوە فەرمییەکانی هەرێمی کوردستانەوە نییە.

هەر ماڵپەڕ و ڕاگەیاندنێک هەواڵی هەڵبەستراو لەم بارەیەوە بڵاو بکاتەوە، رێوشوێنی یاسایی دەگرینە بەر.