وه‌زیری ده‌ره‌وه‌ی رووسیا: ئه‌بوبه‌كر به‌غدادی دروستكراوی ئه‌مریكا بوو

زانیاری زیاترييان ده‌وێت

سێرگی لاڤرۆڤ ، وه‌زیری ده‌ره‌وه‌ی رووسیا، له‌باره‌ی ئه‌بوبه‌كر به‌غدادی، سه‌ركرده‌ی پێشووی رێكخراوی تیرۆریستی داعش، رایگه‌یاند :دروستكراوی ئه‌مریكا بوو.

له‌باره‌ی كوشتنی ئه‌بوبه‌كر به‌غدادی-یه‌وه‌ لاڤرۆڤ لێدوانێكی جیاواز له‌ ئه‌مریكای بۆ كه‌ناڵی Rossiya 24ی رووسی دا و گوتی: به‌غدادی، دروستكراوێكی ئه‌مریكا بوو.

وه‌زاره‌تی به‌رگری (رووسیا) له‌باره‌ی به‌غدادی-یه‌وه‌ راگه‌یه‌ندراوی بڵاوكرده‌وه‌. له‌مباره‌یه‌وه‌ زانیاری زیاترمان ده‌وێت. سوپاكه‌مان له‌سه‌ر سه‌ره‌داوی نوێ كار ده‌كات، هێشتا زۆرینه‌ی ئه‌وانه‌ی ئه‌مریكا ده‌یڵێ (له‌باره‌ی به‌غدادی-یه‌وه‌) نه‌تواندراوه‌ پشتڕاست بكرێنه‌وه‌.

وه‌زیری ده‌ره‌وه‌ی رووسیا باسی له‌ پێشهاته‌كانی دوای داگیركردنی عێراق له‌ ٢٠٠٣ له‌لایه‌ن ئه‌مریكاوه‌ كرد و گوتی: دوای داگیركاری نایاسایی، داڕووخانی حكوومه‌تی عێراق و ئازادكردنی توندڕه‌وان له‌ گرتووخانه‌كان له‌لایه‌ن ئه‌مریكییه‌كانه‌وه‌، داعش سه‌ری هه‌ڵدا، بۆیه‌ ئه‌مریكییه‌كان ئه‌گه‌ر به‌ ڕاستی ئه‌وه‌یان كردبێت ئه‌وا یه‌كێكیان له‌ناوبردووه‌ كه‌ خۆیان ده‌رفه‌تی سه‌رهه‌ڵدانیان ره‌خساند.

وێنه‌كه‌ له‌كه‌ناڵی ئه‌لعه‌ره‌بییه‌وه‌ وه‌رگیراوه‌