لاڤرۆڤ: نابێت چاوپۆشی لە کێشەی کورد له‌ سووریا بکرێت

لاڤرۆڤ: کورد له‌ سووریا هاوڵاتی پلە دوو نییه‌

سێرگی لاڤرۆڤ، وەزیری دەرەوەی رووسیا رایگه‌یاند" نابێت چاوپۆشی لە کێشەی کورد له‌ سووریا بکرێت، چونكه‌ کەس نایەوێت ناوچەکە بەهۆی پرسی کوردەوە بتەقێتەوە، هەروەها کەسیش نایەوێت کوردەکان واهەست بکەن کە هاوڵاتی پلە دوون له‌ سووریادا.

وەزیری دەرەوەی رووسیا به‌ كه‌نالى رووسیاى 24ى وولاته‌كه‌ى راگه‌یاندووه‌، كه‌ کێشەی کورد له‌ سووریا پرسێکە ناکرێت نکۆڵی لێ بکرێت، چونکە کێشەی کوردەکان قەیرانەکانی سووریاشی تێپەڕاندوە.