37 بازرگانی نێوده‌وڵه‌تی داوای وه‌ستانی جه‌نگی ئابووری چین و ئه‌مه‌ریكا ده‌كه‌ن

جه‌نگی ئه‌مه‌ریكا و چین ئابووری وڵاتانی شێواندووه‌

گرووپێک لە ئابووریناسە بەناوبانگەکان داوا لە ئەمریکا و چین دەکەن عاقلانە بیر بکەنەوە کۆتایی بەم جەنگە بازرگانییە بهێنن و لەسەر چارەسەرێکی گونجاو رێکبکەون. سی و حه‌وت گەورە ئابووریناس لە هەردوو وڵات، کە جۆزێف ستیگلز و مایکل سپێنس و سێ براوەی خەڵاتی نۆبڵ لە نێویان دان، لە راگەیەندراوێکدا، بە پەژارەوە وەسفی دۆخەکە دەکەن و داوا دەکەن ئەم دوو وڵاتە کە ئێستا بە تەواوی لە یەکدی دابڕاون، لە یەکدی نزیک ببننەوە. ئەمەش زیانی ئابووریی گەورەی بە دوای خۆیدا هێناوە. بە گوێرەی ئاژانسی بلوومبێرگ، ئەم گرووپە ئابووریناسە داوا دەکەن چوارچێوەیەکی عاقلانە بۆ پەیوەندیی بازرگانی داهاتووی نێوان هەردوو وڵات دابڕێژرێت  کە سیاسەتی نوێ پیشەسازی پەیڕەو بکەن. داواکاری ئەو کەسایەتییە ئابووریانە لە کاتێکدایە دۆناڵد ترامپ کار لەسەر قۆناخی یەکەمی ئاگربەستی بازرگانی لەگەڵ چین دەکات کە ئامانج لێی خۆپاراستنە لە هەڵکشانی جەنگی بازرگانی و نە سەپاندنی پێناسی گومرگی.