دی خیا بۆ ماوه‌ی نزیكه‌ی2 مانگ له‌ یاریگاكان دوور ده‌كه‌وێته‌وه‌

گۆڵپارێزی هه‌لبژارده‌ی ئیسپانیا و یانه‌ی مانچسته‌ریونایتدی ئینگلیزی


گۆڵپارێزی هه‌لبژارده‌ی ئیسپانیا و یانه‌ی مانچسته‌ریونایتدی ئینگلیزی دیڤد دی خیا دووچاری پێكان هاتووه‌، بۆیه‌ ئه‌و گۆڵپارێزه‌ بۆ یاری به‌رامبه‌ر یانه‌ی لیڤه‌رپول له‌ خولی ئینگلیته‌را داده‌بڕێت

 له‌ یاری نێوان هه‌ردوو هه‌لبژارده‌ی ئیسپانیا و سوید له‌ پاڵاوتنه‌كانی جامی یۆرۆ، كه‌ به‌یه‌كسان بوونی هه‌ردوو تیپ به‌گۆلێك ‌كۆتایی هات، دی خیای گۆڵپارێز له‌م یاریه‌ دووچاری پێكان هات و به‌پێی لێدوانی تیمی پزیشكی هه‌لبژارده‌ی ئیسپانیا ئه‌م گۆڵپارێزه‌ بۆ ماوه‌ی نزیكه‌ی دوو مانگ له‌ یاریگاكان دوور ده‌كه‌وێته‌وه‌

 به‌مه‌ش ئه‌و گۆڵپارێزه‌ بۆ یاری هه‌فته‌ی داهاتوو به‌رامبه‌ر بیانه‌ی لیڤه‌رپول داده‌برێت و به‌شداری نه‌كات، لای خۆیه‌وه‌ تیمی پزیشكی یانه‌ی مان یونایتد بڵاویانكرده‌وه‌ پشكنینی پزیشكی زێتر بۆ دی خیا ده‌كه‌ن تا دۆخی ته‌ندروستی ئه‌و گۆلپارێزه‌و ڕاده‌ی توندی پێكانه‌كه‌ی به‌ ته‌واوی بزانن.