ئەمڕۆ ئەنجوومەنی وەزیرانی هەرێمی کوردستان گفتوگۆ له‌سه‌ر چه‌ند ته‌وه‌رێكی گرنگ ده‌كات

به‌ سه‌رپه‌رشتی مه‌سرور بارزانی کۆدەبێتەوە

ئەنجوومەنی وەزیرانی هەرێمی کوردستان كۆده‌بێته‌وه‌ و چه‌ند ته‌وه‌رێكی گرنگ گفتوگۆ ده‌كات. 

سەرچاوەیەک لە ئەنجوومەنی وەزیرانی هەرێمی کوردستان رایگەیاند: ئەمڕۆ ئەنجوومەنی وەزیرانی هەرێمی کوردستان به‌ سه‌رپه‌رشتی مه‌سرور بارزانی سه‌رۆكی ئه‌نجوومه‌ن کۆدەبێتەوە. 

به‌پێی زانیارییه‌كان، تەوەرەکانی کۆبوونەوەکە بریتین لە گفتوگۆکردن دەربارەی بارودۆخی سیاسی عێراق و سووریا و پێشهاتەکان و هەڵوێستی هەرێمی کوردستان و ئامادەکارییەکانی لایەنە پەیوەندیدارەکانی هەرێم بۆ هەر ئەگەر و پێشهاتێک لە دەرئەنجامی گۆڕانکاریی ناوچەکە رووبدات بەتایبەتی هاتنی ئاوارەکان. 

هه‌روه‌ها چەند بابەتێکی پەیوەندیدار بە وەزارەتی کار و کاروباری کۆمەڵایەتی وەک دانانی میکانیزمی پێویست بۆ زامنکردنی دەستەبەری کرێکاران و پێدانی پارەی بەشدارییەکانی کرێکاران، گفتوگۆ ده‌كرێن.