نێچیرڤان بارزانی سه‌ره‌خۆشی له‌ فارووقی مه‌لا مسته‌فا ده‌كات

به‌بۆنه‌ی كۆچی دوایی پرۆفیسۆر دكتۆر عزه‌دین مسته‌فا ڕه‌سوولی برایه‌وه‌


سه‌رۆكی هه‌رێمی كوردستان، سه‌ره‌خۆشی له‌ فارووقی مه‌لامسته‌فا كرد به‌بۆنه‌ی كۆچی دواییی پرۆفیسۆر دكتۆر عزه‌دین مسته‌فا ڕه‌سوولی برایه‌وه‌، لای خۆیه‌وه‌ فارووقی مه‌لامسته‌فا سوپاسی په‌یوه‌ندیی ته‌له‌فۆنی و سه‌ره‌خۆشیی به‌رێز نێچیرڤان بارزانی كرد.

ئێواره‌ی ئه‌مڕۆ پێنجشه‌ممه‌ 3/10/2019 له‌ په‌یوه‌ندییه‌كی ته‌له‌فۆنیدا به‌ڕێز نێچیرڤان بارزانی سه‌رۆكی هه‌رێمی كوردستان، سه‌ره‌خۆشی له‌ به‌ڕێز فارووقی مه‌لامسته‌فا كرد به‌بۆنه‌ی كۆچی دواییی پرۆفیسۆر دكتۆر عزه‌دین مسته‌فا ڕه‌سوولی برایه‌وه‌.

له‌ په‌یوه‌ندییه‌ ته‌له‌فۆنییه‌كه‌دا به‌ڕێز سه‌رۆكی هه‌رێمی كوردستان وێڕای پێشكه‌شكردنی پرسه‌ و سه‌ره‌خۆشی، هیوای خواست ئه‌مه‌ دوا كۆست و ناخۆشیی خانه‌واده‌ به‌ڕێزه‌كه‌یان بێت و خوای گه‌وره‌ سه‌بوورییان بداته‌وه‌.

لای خۆیه‌وه‌ به‌ڕێز فارووقی مه‌لامسته‌فا سوپاسی په‌یوه‌ندیی ته‌له‌فۆنی و سه‌ره‌خۆشیی به‌رێز نێچیرڤان بارزانی سه‌رۆكی هه‌رێمی كوردستان كرد.