ئه‌مریكا بۆ وه‌ڵامدانه‌وه‌ی ئێران چاوه‌ڕێی بڕیاری سه‌ركرده‌كانی سعوودیه‌ ده‌كات

وه‌زاره‌تی به‌رگری ئه‌مریكا خۆی بۆ هێرشی رێژه‌یی ئاماده‌ كردووه‌

سه‌رچاوه‌كان ئاشكرایان كردووه‌ كه‌ له‌میانه‌ی كۆبوونه‌وه‌یه‌ك له‌كۆشكی سپی ، وه‌زاره‌تی به‌رگری ئه‌مریكا( پنتاگۆن) فه‌رمانیان پێدراوه‌ كه‌ ئاماده‌كاری بۆ هێرشی رێژه‌یی دژی ئێران بكه‌ن.

سه‌رچاوه‌كان به‌ سی ئێن ئێن یان راگه‌یاندووه‌: كۆشكی سپی به‌ر له‌وه‌ی هه‌نگاوێك بهاوێژێ، چاوه‌ڕێی بڕیارێك له‌سه‌ركرده‌كانی سعوودیه‌ بۆ وه‌ڵامدانه‌وه‌ی ئێران ده‌كات.

له‌باره‌ی كاتی وه‌ڵامدانه‌وه‌كه‌ش سه‌رچاوه‌كان ده‌ڵێن: ئێواره‌ی دوێنێ مایك پۆمپیو گه‌یشتۆته‌ سعوودیه‌ و له‌گه‌ڵ سه‌ركرده‌كانی ئه‌و وڵاته‌ كۆبۆته‌وه‌، واشنتۆنیش هیچ هه‌نگاوێك نانێت تا پۆمیۆ نه‌گه‌ڕێته‌وه‌.

هه‌روه‌ها له‌لایه‌ن خۆیه‌وه‌ وه‌زاره‌تی به‌رگری سعوودیه‌ رایگه‌یاندووه‌ كه‌ ئه‌مڕۆ چوارشه‌ممه‌ كۆنگره‌یه‌كی روِژنامه‌وانی سازده‌ده‌ن و ئه‌نجامی ئه‌و لێكۆڵینه‌وانه‌ ئاشكرا ده‌كه‌ن كه‌ هه‌ردوو كارگه‌ی سه‌ر به‌ كۆمپانیای نه‌وتی ئارامكۆی كرده‌ ئامانج.

وه‌رگێڕان و داڕشتنه‌وه‌ی / رزگار