سەرۆکی حکومەت سەرەخۆشی لە هونەرمەند "مەزهەری خالقی" دەکات

خاتوو رێسانی هاوژینی مەزهەری خالقی كۆچى دوایی كردووه‌


مەسرور بارزانی سەرۆکی حکومەتی هەرێمی کوردستان ئەمڕۆ چوارشەممە لە پرسەنامەیەکدا سەرەخۆشی لە هونەرمەند مەزهەری خالقی کرد بە بۆنەی کۆچی دوایی خاتوو رێسانی هاوژینیەوە.

لە پرسەنامەکەی سەرۆکی حکومەتی هەرێمی کوردستاندا هاتووە" بەڕێز مامۆستا مەزهەری خالقی، بە داخەوە هەواڵی کۆچی دوایی خاتوو رێسانی هاوژینتم بیست. پرسە و سەرەخۆشیتان لێ دەکەم و ئومێدەوارم خوای مەزن بە بەهەشتی شاد بکات و دڵنەواییش بە ئێوە ببەخشێت".

انا لله وانا الیه‌ راجعون
مەسرور بارزانی، سەرۆکی حکومەتی هەرێمی کوردستان