سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات

مەسروربارزانی: چەندین بژاردەمان بۆ چارەسەرکردنی کێشەکان لەگەڵ حکومەتی فیدراڵ خستووەتەڕوو


باڵیۆزی ئەمەریکا لە عێراق: پشتگیریی لە پرۆسەی گفتۆی نێوان هەرێمی کوردستان و حکومەتی ئیتیحادی دەکەین.

ئەمڕۆ چوارشەممە 2019/9/18 مەسرور بارزانی سەرۆکی حکومەتی هەرێمی کورستان پێشوازی لە ماتیۆ تولەر باڵیۆزی ئەمەریکا لە عێراق کرد.

لە دیدارەکەدا باڵیۆزی ئەمەریکا ئاماژەی بۆ ئەوە کرد کە وڵاتە یەکگرتووەکانی ئەمەریکا پششتیوانی لە یەک نزیکبوونەوە و گفتوگۆکانی نێوان هەرێمی کوردستان و حکومەتی عیراقی فیدراڵ دەکات، گوتیشی هەست دەکەین پێشکەوتن لە پرۆسەی گفتوگۆکاندا هەیە .

سەرۆکی حکومەتی هەرێمی کوردستان روونیکردەوە کە لە سەر چەند ئاستێک گقتوگۆ لەگەڵ حکومەتی عێراق بەردەوامە و چەندین بژاردەشمان بۆ چارەسەرکردنی کێشەکان خستووەتەڕوو بە شێوەیەک کە دەستوور بنەمای سەرەکی چارەسەرکردنی کێشەکان بێت.