Erbil 15°C سێشەممە 19 ئازار 06:18

تورکیا و ئێران و ڕووسیا جه‌خت له‌ یه‌کپارچه‌یی خاکی سوریا ده‌که‌نه‌وه‌

لووتكه‌ی سێقۆڵی
کوردستان TV
100%

هه‌رسێ سه‌رۆكی توركیا و ئێران و ڕووسیا جارێكی دیكه‌ له‌ ئه‌نكه‌ره‌ كۆبوونه‌وه‌ بۆ تاووتوێكردنی مه‌سه‌له‌ی سوریا، به‌ تایبه‌تی شه‌ڕی پارێزگای ئیدلیب كه‌ دوایـین ناوچه‌ی سوریایه‌ له‌ ژێر ده‌ستی ئۆپـۆزسیۆن.

دوای كۆبوونه‌وه‌كه‌ش راگه‌یه‌ندراوی ھاوبه‌شی لووتكه‌ی سێقۆڵی توركیا- ئێران- رووسیا بڵاوكرایه‌وه‌.

له‌ راگه‌یه‌ندراوه‌كه‌دا ئاماژه‌ به‌وه‌شكرا كه‌ ھێرشه‌ سه‌ربازییه‌كانی ئیسرائیل بۆ سه‌ر سووریا سه‌قامگیری تێكداوه‌ و سه‌روه‌ری و یه‌كپارچه‌یی ئه‌و وڵاته‌ی پێشێڵكردووه‌ و گرژی ناوچه‌كه‌ی زیاتر كردووه‌.

ھاوكات ھه‌ر له‌ راگه‌یه‌ندراوه‌كه‌دا ھه‌وڵه‌كانی خۆسه‌ری ناشه‌رعی له‌ سووریا و دروستكردنی دۆخی نوێ له‌ ژێر ناوی به‌ره‌نگاربوونه‌وه‌ی تیرۆر و گشت ھه‌وڵه‌كانی ھاوشێوه‌ ره‌تكرایه‌وه‌.

له‌ پاڵ ئه‌مه‌ش ئاماژه‌ به‌ پێداگری لایه‌نه‌كان له‌ دژی رۆژه‌ڤی جوداخواز كراوه‌ته‌وه‌ كه‌ ھه‌ڕه‌شه‌ له‌سه‌ر ئاسایشی وڵاتانی ناوچه‌كه‌ و لاوازكردنی سه‌روه‌ری و یه‌كپارچه‌یی خاكی سووریا ده‌كات.

سوریا

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.