له‌ سه‌ید سادق ژنێك به‌ گاز په‌نجه‌ی ژنێكی دراوسێیانی قرتاند

له‌سه‌ر شه‌ڕی منداڵه‌كانیان

دوای ئه‌وه‌ی شه‌وی ڕابردوو له‌ یه‌كێك له‌ گه‌ڕه‌كه‌كانی شارۆچكه‌ی سه‌ید سادق دوو منداڵ كه‌ هاوكات دراوسێی یه‌كترین ده‌بێته‌ شه‌ڕیان، كێشه‌كه‌ گه‌وره‌ ده‌بێت و ده‌بێته‌ شه‌ڕی گه‌وره‌كان و به‌هۆی شه‌ڕه‌كه‌شه‌وه‌ ئافره‌تێك په‌نجه‌یه‌كی له‌ده‌ست ده‌دات.

دوو ئافره‌ت كه‌ دراوسێی یه‌كترن، له‌سه‌ر شه‌ڕی منداڵه‌كانیان به‌شه‌ر دێن و دوای ئه‌وه‌ی زۆر له‌یه‌كتری ده‌ده‌ن، ئافره‌تێكیان گاز له‌ په‌نجه‌ی ئه‌وی تریان ده‌گرێت و تا په‌نجه‌ی نه‌قرتاند ده‌می نه‌كرده‌وه‌.

دوابه‌دوای ڕووداوه‌كه‌ش ئافره‌ته‌كه‌ ده‌گه‌یه‌نرێته‌ نه‌خۆشخانه‌ی فریاكه‌وتنی سه‌ید سادق و پۆلیسی شارۆچكه‌كه‌ش په‌ڕاوی لێكۆڵینه‌وه‌ی بۆ ڕووداوه‌كه‌ كردووه‌ته‌وه‌.