واژووی 53 په‌رله‌مانتار كۆكردوه‌ته‌وه‌ بۆ ده‌رخستنی هێزه‌كانی ئه‌مه‌ریكا له‌ عێراق

بخرێته‌ كارنامه‌ی دانیشتنه‌كان


هه‌ڵمه‌تێكی كۆكردنه‌وه‌ی واژوو بۆ به‌یاساكردنی پڕۆژه‌یه‌ك له‌ ئه‌نجوومه‌نی نوێنه‌ران ده‌ستیپێكرد، كه‌ پڕۆژه‌كه‌ تایبه‌ته‌‌ به‌ ده‌رخستنی هێزه‌كانی ئه‌مه‌ریكا له‌ عێراق.

ئه‌مڕۆ دووشه‌ممه‌ په‌رله‌مانتارێكی سه‌ر به‌ عه‌سائیبی ئه‌هلی حه‌ق له‌ كوتله‌ی سادیقون راسپێردرا بۆ هه‌ڵمه‌ته‌كه‌ و ئه‌ویش واژووی 53 په‌رله‌مانتاری كۆكردوه‌ته‌وه‌ تا بڕگه‌ی كردنه‌ ده‌ره‌وه‌ی هێزه‌كانی ئه‌مریكا له‌ عیراق بخرێته‌ كارنامه‌ی دانیشتنه‌كانی په‌رله‌مانه‌وه‌.

ئه‌و په‌رله‌مانتاره‌ی كوتله‌ی سادیقون راشیگه‌یاند، دوای ته‌واوبوونی هه‌ڵمه‌ته‌كه‌یان بۆ كركردنه‌وه‌ی واژووی په‌رله‌مانتاران، داواكه‌یان پێشكه‌ش به‌ ده‌سته‌ی سه‌رۆكایه‌تی ئه‌نجوومه‌نی نوێنه‌ران ده‌كه‌ن، بۆ ئه‌وه‌ی پڕۆژه‌ یاسای ده‌رخستنی هێزه‌ بیانییه‌كان بخه‌نه‌ كارنامه‌ی دانیشتنێك و ده‌نگی له‌سه‌ر بدرێت.