هاتووچۆ: شوفێرێك بەھۆی لادان لە كامێرای ھاتووچۆ زیانى به‌ 3 ئۆتۆمبێل گه‌یاند

زیانی بە ئۆتۆمبێلی کامێرای هاتووچۆش گەیاندووە


بەڕێوەبەرایەتی ھاتووچۆی گەرمیان لەهه‌ژماری تایبه‌ت به‌خۆی له‌تۆرَی كۆمه‌ڵایه‌تى فه‌یس بووك بڵاوی كرده‌وه‌ كه‌  شەوی رابردوو لەسەر رێگای کەلار - ناحیەی رزگاری ئۆتۆمبێلێکی جۆری نیسان سەنترا کە خێرای زیاد بووە، دوای ئەوەی شوفێرەکە ویستویەتی خۆی لە کامێرای هاتووچۆ رزگار بکات کۆنترۆڵی لەدەستداوە و خۆی کێشاوە بە دوو ئۆتۆمبێلی دیكە لە جۆری شۆفرلێت ئۆپترا و نیسان سەنی زیانیشی بە ئۆتۆمبێلی کامێرای هاتووچۆ گەیاندووە.

 به‌رێوه‌به‌رایه‌تى هاتووچۆی گه‌رمیان ده‌شڵێت ، بە مەبەستی لێکۆڵینەوە لە رووداوەکە تیمی هاتووچۆی ناحیەی رزگاری لێکۆڵینەوەیان لە رووداوەکە دەست پێکردوە، جگە لەزیانی مادی زیانی گیانی لێ نەكەوتووەتەوە.