ڕێگای سه‌ره‌كی كه‌ركوك - سلێمانی داخرا

به‌هۆی جێبه‌جێنه‌كردنی پڕۆژه‌كانی خزمه‌تگوزاری

نیوه‌ڕۆی ئه‌مڕۆ سێشه‌ممه‌ 10ی9ی2019 كاسبكاران و پیشه‌وه‌رانی  ناوچه‌ی پیشه‌سازی بازیان به‌هۆی جێبه‌جێنه‌كردنی پرۆژه‌كانی خزمه‌تگوزاری ڕێگای سه‌ره‌كی كه‌ركوك- سلێمانییان داخست.

له‌باره‌ی خۆپشاندانه‌نه‌كه‌وه‌ په‌یامنێری كوردستان تیڤی پێی ڕاگه‌یاندین: خۆپیشاندانه‌كه‌ به‌هۆی نه‌بوونی خزمه‌تگوزاری و جێبه‌جێنه‌كردنی پڕۆژه‌كانی خزمه‌تگوزاری له‌ ناوچه‌ی پیشه‌سازی بازیان له‌لایه‌ن به‌شێك له‌ پیشه‌وه‌ران و كاسبكارانی ناوچكه‌وه‌ ئه‌نجامدراوه‌.

ڕاشیگه‌یاند: خۆپیشانده‌ران له‌ ڕێگه‌ی ئه‌و خۆپیشاندانه‌وه‌ داوا ده‌كه‌ن هه‌رچی زووه‌ ده‌ستبكرێت به‌ جێبه‌جێكردنی ئه‌و پڕۆژه‌ خزمه‌تگوزارییانه‌ی كه‌ بۆ ناوچه‌كه‌ ده‌رچوون و ڕایده‌گه‌ێنن: ئه‌گه‌ر ده‌ست نه‌كرێت به‌ جێببه‌جێكردنی پڕۆژه‌ خزمه‌تگوزارییه‌كان و وه‌ڵامی داواكارییه‌كانمان نه‌درێته‌وه‌ هه‌ڵوێستی دیكه‌مان ده‌بێت.