زانکۆلاین کارا کرا

دەرچوانی پۆلی 12ی ئامادەیی

كەمێك پێش ئێستا زانكۆلاین كاراكرا، دەرچوانی پۆلی 12ی ئامادەیی دەتوانن لەماوەی 10 ڕۆژادا فۆڕمی وەرگرتن لە زانكۆ و پەیمانگاكان پڕبكەنەوە.


بۆ پڕكردنەوەی فۆڕمی زانكۆلاین كلیك بكە.

ئەمڕۆ سێشەممە ڕێکەوتى 2019/9/10 لەهۆڵى ڤیدیۆ کۆنفرانس لە دیوانى وەزارەتى خوێندنى باڵا و توێژینەوەى زانستى کۆنگرەیەکى رۆژنامەوانی بۆ هەریەک لە (د.خەتاب ئەحمەد مستەفا) بەرێوەبەرى گشتى خوێندن و پلاندانان بەوەکالەت و (د.جەمال کەمال) یاریدەدەرى بەڕێوەبەرى گشتى خوێندن و پلاندانان و (ئارام ئیبراهیم) بەڕێوەبەرى ناوەندى وەرگرتن و (ئیبراهیم ڕەشید) بەڕێوەبەرى خوێندنى تایبەت بەڕێوەچوو.

بەیانی ئەمرۆ لەكۆنگرەیەكی رۆژنامەوانیدا خەتاب ئەحمەد بەڕێوەبەری گشتیی خوێندن و پلان لە وەزارەتی خوێندنی باڵا و توێژینەووەی زانستی ڕایگەیاند، بۆ ئەمساڵ زانكۆكان لە زانكۆ حكومییەكان سێ جۆر خوێندن هەیە 24 هەزار و 784 كورسی خوێندنی حكومی، بە پارالێڵیش 10 هەزار و 514 كورسی  و ئێوارانیش 11 هەزار و 577 كورسی كە كۆی گشتی 46 هەزار و 875 كورسی خوێندن دەبێت.