وێنه‌گرێكی كوردستان تیڤی به‌هۆی كێشه‌یه‌كی كۆمه‌ڵایه‌تیه‌وه‌ له‌ دهۆك كوژرا

له‌ كاتی چوونی بۆ سه‌ر كاره‌كه‌ی

كاتژمێر 8ی به‌یانی ئه‌مڕۆ یه‌كشه‌ممه‌ وێنه‌گرێكی كوردستان تیڤی له‌ گوندی بادێ له‌ نزیك دهۆك كوژرا.

چیایی موسلیح، وێنه‌گری كوردستان تیڤی كه‌ ماوه‌ی 15 ساڵه‌ وه‌ك كامیرامان و وێنه‌گر له‌ سه‌ته‌لایتی كوردستان تیڤی كارده‌كات، به‌یانی ئه‌مڕۆ  له‌ كاتی چوونی بۆ سه‌ر كاره‌كه‌ی له‌ نووسینگه‌ی كوردستان تیڤی له‌ دهۆك، به‌هۆی كێشه‌یه‌كی كۆمه‌ڵایه‌تی درایه‌ به‌ر ده‌ستڕێژی گولـله‌ و كوژرا.

دوای ڕووداوه‌كه‌ش ته‌رمه‌كه‌ی ڕه‌وانه‌ی پزییشكی دادی دهۆك كرا.

چیایی له‌ دایكبووی ساڵی 1982یه‌ و خێزانداره‌ و خاوه‌نی سێ منداڵه‌ و ساڵی 2005 وه‌ك وێنه‌گری كوردستان تیڤی ده‌ست بوكار بووه‌ و كاتژمێر 8ی به‌یانی ئه‌مڕۆ یه‌كشه‌ممه‌ش له‌كاتی چوونی بۆ سه‌ر كاره‌كه‌ی له‌ نووسینگه‌ی كوردستان تیڤی له‌ دهۆك ، له‌ نزیك گوندی بادێ كوژرا.

به‌ پێی زانیارییه‌كان هۆكاری كوشتنی چیایی ده‌گه‌ڕێته‌وه‌ بۆ كێشیه‌كی خێزانی كه‌ به‌ر له‌ ساڵێك ڕوویداوه‌ و پاش كوشتنی چیاییش بكوژه‌كان به‌ره‌و شوێنێكی نادیار هه‌ڵاتوون و پۆلیسی دهۆكیش لێكۆڵینه‌وه‌ له‌ ڕووداوه‌كه‌ ده‌كات.