سبه‌ی دابه‌شكردنی مووچه‌ی‌ مانگی‌ حوزه‌یران ده‌ستپێده‌كات

رۆژی‌ چوارشه‌ممه‌ش مووچه‌ی‌ وه‌زاره‌تی‌ په‌روه‌رده‌ دابه‌ش ده‌كرێت


وه‌زاره‌تى دارایی و ئابووریی حكوومه‌تى هه‌رێمى كوردستان، دەست بە دابەشکردنی مووچەی مانگی 6 ده‌كات.

بەپێی ئەو لیستەی لە گەنجینەی وەزارەتی دارایی و ئابوورى حكوومه‌تی هه‌رێمی كوردستان راگه‌یه‌ندراوه‌، ڕۆژی یەکشەممە 2019/9/8 مووچەی دیوانی وەزارەتی پێشمەرگە و لیواکان خەرج دەکرێت.

سه‌رچاوه‌كه‌ وتی‌: رۆژی‌ دووشه‌ممه‌ به‌هۆی‌ ئه‌وه‌ی‌ پشووه‌، هیچ مووچه‌یه‌ك دابه‌ش ناكرێت.

ئاماژه‌شی‌ به‌وه‌دا كه‌ به‌پێی‌ خشته‌ی‌ وه‌زاره‌ت، رۆژی‌ سێشه‌ممه‌ 10ی‌ ئه‌یلول مووچه‌ی‌ هێزه‌كانی‌ 70 و 80 دابه‌ش ده‌كرێت.

سه‌رچاوه‌كه‌ راشیگه‌یاند كه‌ گه‌ر هیچ بارێكی‌ له‌ناكاو روونه‌دات، رۆژی‌ چوارشه‌ممه‌ 11ی‌ ئه‌یلول مووچه‌ی‌ وه‌زاره‌تی‌ په‌روه‌رده‌ دابه‌ش ده‌كرێت.