بڕه‌ پاره‌ی ته‌واوكراوی مووچەی فەرمانبەرانی هەرێمی کوردستان لە بەغداوە گەیشت

به‌ڕێوه‌به‌ری گشتی بانكی هه‌رێمی كوردستان به‌ كوردستان تیڤی راگه‌یاند

فه‌رمانبه‌رانی هه‌رێمی كوردستان له‌ وه‌رگرتنی مووچه‌ دڵنیا ده‌كرێنه‌وه‌و به‌ڕێوه‌به‌ری گشتی بانكی هه‌رێم ڕایده‌گه‌یه‌نێت بڕه‌ پاره‌ی ته‌واوكراوی مووچەی فەرمانبەرانی هەرێمی کوردستان لە بەغداوە گەیشتۆته ‌هه‌رێمی كوردستان .

عابد ساڵح به‌ڕێوه‌به‌ری گشتی بانكی هه‌رێم له‌ لێدوانێكی تایبه‌ت بۆ كوردستان تی ڤی ڕایگه‌یاند پاره‌ی مانگانه‌ی ته‌واوكراوی مووچەی فەرمانبەرانی هەرێمی کوردستان لەلایه‌ن بەغداوە گەیشتۆته ‌هه‌رێمی كوردستان .

له‌باره‌ی بڕی پاره‌كه‌ ئاماژه‌ی به‌وه‌كردووه‌ بڕی پاره‌كه‌ هه‌مان ئه‌و بڕه‌یه‌ كه‌ له‌ مانگه‌كانی پێشوودا به‌غدا ده‌ینارد، ده‌شڵێت پاره‌كه‌ ئاماده‌یه‌ و دابه‌شكردنیشی په‌یوه‌سته‌ به‌ بڕیاری وه‌زاره‌تی دارایی و ئابووری.