وه‌زیری شاره‌وانى به‌بریارێك كاری ئه‌نجومه‌نی شاره‌وانییه‌كانی‌ هه‌رێمی راگرت

پێداچوونه‌وه‌ و هه‌ڵسه‌نگاندن به‌كار ئه‌نجومه‌نى شاره‌وانیه‌كان ده‌كرێت


به‌پێى نووسراوێك كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه‌ ، ساسان عه‌ونى وه‌زیری شاره‌وانى و گه‌شت و گوزاری هه‌رێمی كوردستان  به‌بڕیارێك سه‌رجه‌م كاره‌كانی ئه‌نجومه‌نی شاره‌وانییه‌كانی بۆ ماوه‌ی مانگێك راگرت بە هۆکاری  پێداچوونه‌وه‌ و هه‌ڵسه‌نگاند" به‌ كاری ئه‌نجومه‌نی شاره‌وانییه‌كان.

 نووسراوه‌كه‌ كه‌له‌ 7 ى 8 ى 2019 به‌ژماره‌ 7016/6 دەرچووە و‌ ئاڕاسته‌ی‌ به‌ڕێوه‌به‌رایه‌تی‌ گشتی‌ شاره‌وانییه‌كانی‌ (هه‌ولێر، سلێمانی‌، دهۆك، هه‌ڵه‌بجه‌، گه‌رمیان، راپه‌ڕین و سۆران) کراوە و تیایدا بڕیار دراوە بە راگرتنی کاری ئەنجومەنی شارەوانییەکان.

له‌ بڕیاره‌كه‌دا هاتووه‌ به‌مه‌به‌ستی پێداچوونه‌وه‌ و هه‌ڵسه‌نگاندن بۆ بڕیاره‌كانی ئه‌نجومه‌نی شاره‌وانییه‌كان له‌ گشت شار و شارۆچكه‌كان ئاگادارتان ده‌كه‌ینه‌وه‌ به‌ راگرتنی ده‌ركردنی بڕیار و كۆبوونه‌وه‌كانی ئه‌نجومه‌نی شاره‌وانییه‌كان بۆ ماوه‌ی مانگێك له‌ رۆژی 2019/8/18 تا به‌رواری‌ 2019/9/22.

1


شوان عه‌زیز