32 كه‌س به‌ تۆمه‌تی بازرگانی كردن به‌ مادده‌ی هۆشبه‌ر له‌ سۆران ده‌ستگیر كران

له‌ ماوه‌ی سێ مانگدا

بنكه‌ی نه‌هێشتنی مادده‌ هۆشبه‌ره‌كانی سۆران له‌ ڕاگه‌ێندراوێكدا كه‌ كۆپییه‌كی بۆ ماڵپه‌ڕی كوردستان تیڤی نێردراوه‌ ڕایگه‌یاند:  له‌ ماوه‌ی سێ مانگدا 32 كه‌س به‌ تۆمه‌تی بازرگانی كردن و به‌ كارهێنانی مادده‌ هۆشبه‌ره‌كان له‌ سۆران ه‌ستگیركراون.

له‌ ڕاگه‌ێندراوه‌كه‌دا هاتووه‌: له‌ مانگی (5ــی2019) تا (20-8-2019) (32) سی و دوو كه‌س به‌ تۆمه‌تی ئاڵووده‌ بوون و بازرگانی كردن به‌ مادده‌ هۆشبه‌ر و حه‌بی قه‌ده‌غه‌كراو و دراوی ساخته‌ ڕه‌وانه‌ی به‌ڕێوه‌به‌رایه‌تی نه‌هێشتنی مادده‌هۆشبه‌ره‌كان كراون به‌ مه‌به‌ستی ئاماده‌كردنیان له‌ دادگای تایبه‌تمه‌ند.