سعوودیه‌ داوا له‌ هاووڵاتیانی ده‌كات له‌م دوو شوێنه‌ی توركیا نه‌مێننه‌وه‌

 له‌لایه‌ن دوو كه‌سی نه‌ناسراو به‌چه‌ك هێرشیان كراوه‌ته‌ سه‌ر

باڵیۆزخانه‌ی سعوودیه‌ له‌ توركیا هۆشداری داوه‌ته‌ هاووڵاتیانی كه‌له‌كاتی خۆرئاوابوون له‌م دوو شوێنه‌ی توركیا نه‌مێننه‌وه‌ .

باڵیۆزخانه‌ی سعوودیه‌ له‌ هه‌ژماری تایبه‌تی خۆیدا له‌ تۆڕی كۆمه‌ڵایه‌تی تویته‌ر رایگه‌یاندووه‌: وه‌ك پێداچوونه‌وه‌یه‌ك سه‌باره‌ت به‌و رووداوه‌ی هاووڵاتیانمان له‌ یه‌كێك له‌ رێستۆرانته‌كانی ناوچه‌ی شیشلی تووشیان بوو، كه‌ له‌لایه‌ن دوو كه‌سی نه‌ناسراوه‌و به‌چه‌ك هێرشیان كرایه‌ سه‌ر و له‌ ئاكامدا كه‌سێك بریندار بوو و كه‌لوپه‌له‌ كه‌سییه‌كانی دزرا، داوا له‌ هاووڵاتیانمان ده‌كه‌ین كه‌له‌ ئه‌سته‌نبوڵن چاوكراوه‌و هوشیار بن.

هه‌روه‌ها باڵیۆزخانه‌ی سعوودیه‌ ئامۆژگاری هاووڵاتیانی كردووه‌ كه‌ له‌كاتی خۆرئاوابوون له‌ هه‌ردوو ناوچه‌ی شیشلی و ته‌قسیم نه‌مێننه‌وه‌.

ئه‌م هۆشدارییه‌ی سعوودیه‌ له‌كاتێكدایه‌ كه‌ له‌ماوه‌كانی رابردوودا چه‌ند هاووڵاتییه‌كی سعوودی له‌ توركیا فێڵ و دزییان لێكراوه‌.

وه‌رگێڕان و داڕشتنه‌وه‌ی / رزگار