ڤیدیۆ ... لیۆن سه‌ركه‌وتنى به‌سه‌ر ئه‌نجیه‌ تۆماركرد

له‌گه‌ڕی دووه‌می خولی پله‌یه‌كى فه‌ره‌نسا

له‌گه‌ری دووه‌می خولی فه‌ره‌نساش یانه‌ی لیۆن سه‌ركه‌وتنێكی گه‌وره‌ی تۆماركردو گۆڵپارانی یانه‌ی ئه‌نجیه‌ی كردو به‌شه‌ش گۆلی بێ وه‌لام سه‌ركه‌وتنی به‌سه‌ردا تۆمار كرد


 له‌سه‌ره‌تای یاریه‌كه‌ و دوای تێپه‌ربوونی یانزه‌ خوله‌ك حوسام عوار گۆلی پێشكه‌وتنی بۆ لیۆن تۆماركرد، دوابه‌دوای ئه‌و گۆڵه‌ له‌خوله‌كی سی و شه‌ش موسا دێمبیلی توانی لیۆن بكاته‌ خاوه‌ن گۆڵی دووه‌م، به‌ر له‌به‌كۆتاهاتنی گێمی یه‌كه‌م ممفیس دیبای گۆلی سێیه‌م و دڵنیایی بۆ یانه‌ی لیۆن تۆماركرد و ئه‌ركی ئه‌نجیه‌ له‌یاریه‌كه‌دا ئه‌سته‌م كرد، له‌گێمی دووه‌م و له‌ده‌ستپێكی ئه‌و گێمه‌ ممفس دیبای توانی گۆلی دووه‌می خۆی و چواره‌می یانه‌ی لیۆن به‌ده‌ست بێنێت، گوشاره‌كانی یانه‌ی لیۆن بۆ سه‌ر گۆلی ئه‌نجیه‌ درێژه‌ی هه‌بوو ئه‌مجاره‌یان له‌خوله‌كی شه‌ست و پێنج موسا دێمبلی گۆلی دووه‌می خۆی له‌یاریه‌كه‌و گۆلی پێنجه‌می لیۆنی تۆماركرد، دوابه‌دوای ئه‌و گۆڵه‌ له‌خوله‌كی حه‌فتاو دوو جان لۆكاس دی سۆزه‌ توانی چانسی خۆی تاقیبكاته‌وه‌و گۆڵی شه‌شه‌م و كۆتایی تۆماركرد


 به‌مجۆره‌ یانه‌ی لیۆن توانی به‌شه‌ش‌ گۆڵی بێ به‌رامبه‌ر دووه‌م یاری خولی وڵاته‌كه‌ی بێت.