كوڕه‌كه‌ی مایكڵ شوماخه‌ر یه‌كه‌م نازناوی فۆرمولا 2ی به‌ده‌ستهێنا

له‌ هه‌نگاریا به‌ڕێوه‌چوو


میك شوماخه‌ری ته‌مه‌ن 20 ساڵ كه‌ كوڕی ئه‌فسانه‌ی پێشبڕكێی ئۆتۆمبێله‌كان، مایكڵ شوماخه‌ره‌، له‌ پێشبڕكێی دووه‌می به‌شی هه‌شته‌می پێشبڕكێی ئه‌م وه‌رزه‌ی قۆرمولا 2 كه‌ له‌ هه‌نگاریا به‌ڕێوه‌چوو، بۆ یه‌كه‌مین جار پله‌ی یه‌كه‌می به‌ده‌ستهێنا.

میك شوماخه‌ری ئه‌ڵمانی له‌ تیمی PREMA، له‌ بوداپێستی پایته‌ختی هه‌نگاریا له‌ پێشبڕكێیه‌كی 28 خولیدا به‌ نمره‌ی 43:59.841 پله‌ی یه‌كه‌می به‌ده‌ستهێنا.

كوڕه‌كه‌ی شوماخه‌ر وه‌رزی رابردوو له‌ پاڵه‌وانێتیی ئه‌ورووپادا نازناوی فۆرمولا 3ی به‌ده‌ستهێنا و له‌م وه‌رزه‌شدا یه‌كه‌می نازناوی فۆرمولا 2ی برده‌وه‌.

مایكڵ شوماخه‌ر كه‌ خاوه‌نی 7 نازناوی جیهانیی فۆرمولا 1ه‌، ساڵی 2013 له‌ رووداوێكی خلیسكێنه‌ی سه‌ر به‌فردا له‌مردن رزگاری بوو.

به‌شێكی زۆری جه‌سته‌ی شوماخه‌ری 50 ساڵان دووچاری ئیفلیجی بووه‌ و له‌ مانگی ئه‌یلوولی 2014ه‌وه‌ راهێنانه‌كانی له‌ماڵه‌كه‌ی خۆی له‌ سویسرا درێژه‌پێده‌درێت.