پارەی کارمەندانی سەر سندوق دابەشدەكات

یەكێك لەم بەڵگەنامەت پێبێت


كۆمیسیۆنی باڵای سەربەخۆی هەڵبژاردنەكان و راپرسی هەرێم، داوا لەو كەسانە دەكات كە لەرۆژی هەڵبژاردنی پەرلەمانی كوردستاندا كارمەندی كۆمسیۆنەكە بوون، سەردانی فەرمانەگەكەیان بكەن بەمەبەستی وەرگرتنی پارەكەیان.

كۆمسیۆنی باڵای سەربەخۆی هەڵبژاردن و ڕاپرسی لە ڕاگه‌یه‌ندراوێكیدا، هاتووە، ئاگاداری سەرجەم ئەو بەڕێزانە دەكەینەوە، كە لە سنوری پارێزگای هەولێر كارمەندی ڕۆژی دەنگدان بوون، بۆ هەڵبژاردنی پەڕلەمانی كوردستان، كە لە (30-9-2018) ئەنجامدرا، تاوەكو ئێستا پاداشتی سەر سندوقی دەنگدانیان وەرنەگرتووە، پێویستە بەزووترین كات سەردانی فەرمانگەكەمان بكەن.

ئاماژە بەوەشکراوە، دوا بەروار بۆ دابەشكردنی ئەم پاداشتە لە فەرمانگەكەمان (15-8-2019) دەبێت و پێویستە فەرمانبەری ناوبراو یەكێك لەم بەڵگەنامە و كۆپیەكەی لەلابێت وەك (پاسپۆرت، كارتی نیشتیمانی، ناسنامەی باری شارستانی، ڕەگەزنامەی عیراقی، مۆڵەتی شۆفێری).

ئاماژه‌ به‌وه‌ش كراوه‌ هیچ كەسێك ناتوانێت لەجێگای كەسێكی تر ئەم پاداشتە وەربگرێت.