كۆبوونه‌وه‌ى ئه‌مرۆی وه‌زاره‌تى دارایی و ئابوری بڕیاری تێدادرا

یەكەم كۆبوونەوەى وه‌زاره‌ت له‌كابینه‌ى نۆیه‌م بەڕێوەچوو

له‌راگه‌یاندراوێكدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه‌ ، وه‌زاره‌تى دارایی و ئابووری هه‌رێمی كوردستان بڵاوی كرده‌وه‌  ئه‌مرۆ پێنجشه‌ممه‌  18 ى 7 ى 2019 ،  كۆبوونه‌وه‌ى وه‌زاره‌ت به‌سه‌رپه‌رشتى ئاوات جەناب نوری وەزیری نوێی دارایی و ئابووری حكومەتی هەرێم  یەكەمین كۆبوونەوەی ئەنجوومەنی وەزارەتی دارایی و ئابووری بەڕێوەچوو.

 راشیده‌گه‌یه‌نن ، لەسەرەتای كۆبوونەوەكە،  وەزیری دارایی و ئابووری، سەبارەت بە "هێلە گشتییەكانی بەرنامەی كاری كارنامەی كابینەی نۆیەمی حكومەتی هەرێمی كوردستان" ڕوونكردنەوەی پێویستی بۆ ئامادەبووان دا و ڕایگەیاند: " پێویستە وەزارەتمان خالە پەیوەندیدارەكانی ئەو بەرنامەیە بكاتە چوارچێوەی گشتی كاری داهاتووی خۆی، وە ئامادەكردنی و ناردنی بۆ ئەنجومەنی وەزیران بە مەبەستی پەسەند كردن".

 هه‌روه‌هاا له‌به‌شێكى دیكه‌ى راگه‌یاندراوه‌كه‌ى دارایی و ئابوری هاتووه‌ كه‌ لە میانی كۆبوونەوەكەدا ئەندامانی ئەنجومەنی وەزارەت ڕاو سەرەنجی خۆیان لەسەر تەوەرەكانی كۆبوونەوەكە و كارنامەكە خستەڕوو: بڕیاردرا لە هەفتەی داهاتوو كارنامەی وەزارەت گەلالە بكرێ و بەرز بكرێتەوە بۆ ئەنجومەنی وەزیران.

لە كۆتایی كۆبوونەوەكەشدا ئەندامانی ئەنجوومەنی وەزارەت سوپاس و دەست خۆشیان ئاراستەی وەزیری نوێی دارایی و ئابووری كرد بەڵێنیان دا پشتیوانی تەواوی ئەو كارنامەیە بكەن.

دارشتنه‌وه‌ى هه‌واڵ - شوان عه‌زیز