پۆلیسى هه‌ولێر ده‌ستگیركردنى 2 تۆمه‌تباری راگه‌یاند

تۆمه‌تباران 2 تاوانى جیایان ئه‌نجامداوه‌

له‌راگه‌یاندراوێكدا به‌رێوه‌به‌رایه‌تى پۆلیسى هه‌ولێر بڵاوی كرده‌وه‌ ، دوای ئاگادارکردنەوەی پۆلیسی نەهێشتنی تاوانی عەنکاوە بە بوونی2  ڕووداوی دزینی ماتۆر سکێل، پۆلیس دۆسیەی لێکۆڵینەوەی بۆ ئەم ڕووداوە کردەوە و توانی 2 تۆمەتبار دەستگیر بکات.

ڕائید باساک فه‌رج ره‌حیم بەرپرسی نوسینگەی نەهێشتنی تاوانی عەنکاوە رایده‌گه‌ێنێت ،  دوای ئاگادار کرانه‌وه‌مان بەبوونی2 ر ڕووداوی جیا لە سنوری بنکەکەمان، دۆسیەی لێکۆڵینەوە بۆ ئەم 2  ڕو وداوە کرایه‌وه‌ و دوای  وەرگرتنی زانیاری توانیمان ناسنامەی دوو تۆمەتبار ئاشکرا بکەین و دەستگیریان بکەین.

تاوانەکان بەم شێوەی لای خوارەوە بوون:

تاوانی یەکەم: تۆمەتبار (ا.ئـ.ع)،تەمەن (۱۷) ساڵ، هەڵسابوو بە دزینی دوو ماتۆڕسکیل لە گوندی لوبنانی، تۆمەتبار بەندە بەپێی ماددە (٤٤٦) لە ی.س.ع.

تاوانی دووەم: تۆمەتبار (ع.ش.ع)، تەمەن (۱۹) ساڵ، هەڵسابوو بە دزینی ماتۆڕی بەدع کە بە نزیکەیی بڕی (٤۰۰۰) دۆلاری ئەمریکی دەخەمڵێنرێت لە عەنکاوە. تۆمەتبار بەندە بەپێی ماددە (٤٤٦) لە ی.س.ع.

شوان عه‌زیز