پۆلیسی هه‌ولێر: 2 كه‌س به‌تۆمه‌تى ڕفاندنى جانتای ئافره‌تان ده‌ستگیر كران

هه‌ردوو 2 تۆمه‌تبار به‌بڕیاری دادوه‌ر به‌ند كران


به‌رێوه‌به‌رایه‌تى پۆلیسى هه‌ولێر رایده‌گه‌ێنێت ، دوای ئه‌وه‌ى تیمه‌كانمان ئاگادار كرانه‌وه‌ به‌بوونى رووداوی دزی كردن له‌عه‌نكاوه‌ ، پۆلیس دۆسیەی لێکۆڵینەوەی بۆ ڕووداوه‌كه‌ کردەوە و توانی ناسنامەی دوو تۆمەتبار ئاشکرا بکات و دەستگیریان بکات


ڕائید باساك فه‌ره‌ج ڕه‌حیم  بەرپرسی نوسینگەی نەهێشتنی تاوانی عەنکاوە بە هەولێر پۆلیسی ڕاگەیاند ، دوای ئه‌وه‌ى ئاگادار كراینه‌وه‌ به‌بونى ڕووداوی ڕفاندنى جانتای ئافره‌تان ، زانیاری و لێكۆڵینه‌وه‌ ورد ده‌ستپێكرا و توانرا ناسنامه‌ى تۆمه‌تباران ئاشكرا بكرێت و ده‌ستگیر بكرێن


راشیده‌گه‌ێنێت ، تۆمەتباران بە ناوی (م.هـ.م)، تەمەن (16 ) ساڵ، (ح.ر.د.)، تەمەن(24) ساڵن، دوای دەستگیر کردنیان دانیاننا بە تاوانەکەیان کەوا هەڵسابوون بە ڕفاندنی جانتای ئافرەتان و دزینی کەلوپەلی نێو جانتاکان کە بریتی بوون لە بڕێکی زۆر پارە و 4مۆبایل و4 تاک بازن لە عەنکاوە.

به‌رێوه‌به‌رایه‌تى پۆلیسى هه‌ولێر ده‌شڵێت له‌ئێستادا پەڕاوی لێکۆڵینەوەیان بۆ ڕێکخرا و ڕەوانەی بەردەم  دادوەر کرا،  بڕیاردرا بەبەند کردنی هەردوو تۆمەتبار بە پێی ماددە (446) لە ی.س.ع

دارشتنه‌وه‌ى هه‌واڵ - شوان عه‌زیز