مووچه‌ى ناوخۆ و ئه‌نجومه‌نى ئاسایش و ئه‌م شوێنانه‌ى دیكه‌ دابه‌شده‌كرێت

پاره‌كه‌ى به‌غدا گه‌یشت و مووچه‌ى ته‌واوی شوێن و وه‌زاره‌ته‌كان دابه‌شده‌كرێت

سه‌رچاوه‌یه‌كى ئاگادار له‌گه‌نجینه‌ى هه‌رێم به‌ماڵپه‌ری كوردستان تیڤى راگه‌یاند ، سبه‌ى سێشه‌ممه‌ 18 ى 6  ى 2019 ، مووچه‌ى مانگی 3  وه‌زاره‌تى ناوخۆ  ، ئه‌نجومه‌نی ئاسایش ، ده‌زگای ئاسایش ، زێره‌ڤانى ، فه‌رمانده‌ی به‌رگری و فریاكه‌وتن ، به‌ڕێوه‌به‌رایه‌تى ڕه‌گه‌زنامه‌ى گشتى دابه‌شده‌كرێت 

ئه‌و سه‌رچاوه‌یه‌ وتیشى هه‌ر ئه‌مرۆ مووچەی وەزارەتەکانی خوێندنی باڵا و توێژینەوەی زانستی، سامانە سرووشتییەکان و دارایی و ئابووری دابەشكرا 

 سه‌رچاوه‌كه‌ى گه‌نجینه‌ى هه‌رێم وتیشى بڕی 453 ملیار دیناره‌كه‌ى موچه‌ى فه‌رمانبه‌رانى هه‌رێمی كوردستان له‌لایه‌ن به‌غدا ڕه‌وانه‌ى هه‌رێمی كوردستان كرا


وتیشى به‌هاتنى ئه‌و بڕه‌ پاره‌یه‌ پرۆسه‌ى دابه‌شكردنى مووچه‌ خێرا ده‌بێت تا 23 ى 6 ى 2019 مووچه‌ى ته‌واوی شوێن و وه‌زاره‌ته‌كان دابه‌شده‌كرێت 

دارشتنه‌وه‌ى هه‌واڵ - شوان عه‌زیز