ڕەوتی حیکمە دەبێته‌ ئۆپۆزسیۆن

بەسەرۆکایەتی عەممار حەکیم

رەوتی حیکمەی نیشتمانی بەسەرۆکایەتی عەممار حەکیم، ئۆپۆزسیۆنبوونی خۆی لە ھەمبەر حکوومەتەکەی عادل عەبدولمەھدی راگەیاند.

رەوتی حیکمە لە ئەنجوومەنی نوێنەران لە کۆی ٣٢٩ کورسی خاوەن ١٩ کورسییە.

رەوتی حیکمە راگەیەندراوێکی بڵاوکردەوە و تیادا ئاماژەی بەوەداوە کە مەکتەبی سیاسی رەوتی حیکمەی نیشتمانی لە کۆبوونەوەیەکدا بەوردی رەوشی سیاسی و ئاستی خزمەتگوزارییەکانی ھەڵەسەنگاندووە.

لە راگەیەنداوەکەدا ھاتووە "لە کۆبوونەوەکەدا، گفتوگۆیەکی تێروتەسەل لەبارەی ئاستی حکوومەت لە تێپەڕاندنی کارو ئەرکەکەیدا کراوە و بەوردی بیروڕا لەوبارەیەوە ئاڵوگۆڕکراوە، بۆیە لەو روانگەوە رەوتی حیکمەی نیشتمانی لەھەمبەر حکوومەتەکەی عادل عەبدولمەھدی دا دەبێت بە ئۆپۆزسیۆن".

رەوتی حیکمە یەکەم فراکسیۆنی شیعەیە کە لەھەمبەر حکوومەتەکەی عادل عەبدولمەھدی-دا ئۆپۆزسیۆنبوونی خۆی رادەگەیەنێت.