Erbil 15°C سێشەممە 19 ئازار 10:40

وه‌زیری دارایی عێراق دڵنیایی ده‌داته‌ مووچه‌خۆرانی هه‌رێمی کوردستان

دوای پێكهێنانی حكوومه‌تی هه‌رێم دیالۆگه‌كان ده‌ست پێده‌كه‌نه‌وه‌
کوردستان TV
#7
100%

وه‌زیری دارایی عێراق رایده‌گه‌ێنێت، بودجه‌ی ئه‌مساڵ وه‌ك خۆی ده‌مێنێته‌وه‌ و كار له‌سه‌ر ئه‌وه‌ش ده‌كه‌ین له‌ ساڵی داهاتوودا به‌ هه‌مان شێوه‌ له‌ بودجه‌ی عێراقدا شایسته‌ داراییه‌كانی هه‌رێمی كوردستان بنێردرێن.

د. فوئاد حوسێن، وه‌زیری دارایی عێراق  ڕاگه‌یاند: په‌یوه‌ندیه‌كانی هه‌ولێر و به‌غدا، له‌ ئاستێكی باشدان و پێویست به‌ دیالۆگ و گفتوگۆی زیاتریش هه‌یه‌، بۆ چاره‌سه‌ركردنی گرفته‌كانی پرسی نه‌وت و بودجه‌ و ناوچه‌ كوردستانییه‌كان، كه‌ هه‌وڵه‌كانیش بۆ ئه‌م مه‌به‌سته‌ به‌رده‌وامن.

گوتیشی: بودجه‌ی ئه‌مساڵ وه‌ك خۆی ده‌مێنێته‌وه‌ و كار له‌سه‌ر ئه‌وه‌ش ده‌كه‌ین له‌ ساڵی داهاتوودا به‌ هه‌مان شێوه‌ له‌ بودجه‌ی عێراقدا شایسته‌ داراییه‌كانی هه‌رێمی كوردستان بنێردرێن و چه‌ند كۆبوونه‌وه‌یه‌كیش بۆ ئه‌م مه‌به‌سته‌ ئه‌نجام دراون.

ده‌شڵێت: ئومێدمان هه‌یه‌ ئاستی په‌یوه‌ندییه‌كان باشتر بێــت، به‌ گفتوگۆ و لێكتێگه‌یشتنی هاوبه‌شیش، ده‌توانرێـت چاره‌سه‌ری سه‌رجه‌م كێشه‌ هه‌ڵپه‌سێردراوه‌كان بكرێت، كه‌ له‌ دوای پێكهێنانی حكوومه‌تی هه‌رێمه‌وه‌، دیالۆگه‌كان ده‌ست پێده‌كه‌نه‌وه‌.

سه‌رچاوه‌ / ماڵپه‌ڕی فه‌رمی پارتی

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.