لۆگۆی نوێی سه‌رۆكایه‌تی هه‌رێمی كوردستان بڵاوكرایه‌وه‌

له‌گه‌ڵ سوێندخواردنی سه‌رۆكی نوێی هه‌رێمی كوردستان


سه‌رۆكایه‌تی هه‌رێمی كوردستان له‌گه‌ڵ سوێندخواردنی سه‌رۆكی نوێی هه‌رێمی كوردستان، نێچیرڤان بارزانی لۆگۆیه‌كی نوێی بڵاوكردووه‌ته‌وه‌ كه‌ ده‌سته‌واژه‌ی سه‌رۆكایه‌تی هه‌رێمی كوردستانی به‌ زمانی ئینگلیزی خراوه‌ته‌ سه‌ر له‌پاڵ زمانی كوردی و عه‌ره‌بی كه‌ پێشتر به‌ته‌نها ئه‌و ده‌سته‌واژه‌یه‌ به‌و دوو زمانه‌ هه‌بوون.

لۆگۆ نوێیه‌كه‌ هه‌مان لۆگۆ كۆنه‌كه‌یه‌ واته‌ داڵێك باڵه‌كانی كراوه‌ته‌وه‌ له‌نێو ئاڵای كوردستان كه‌ ره‌نگه‌كانی سوور، سپی، سه‌وزه‌ و خۆرێكی 21 تیشكی لەنێودایه‌ و له‌ خواره‌وه‌ی داڵه‌كه‌ش ساڵی 2005 نووسراوه‌ كه‌ ساڵی دامه‌زراندنی سه‌رۆكایه‌تی هه‌رێمی كوردستانه‌.

ئه‌مڕۆ دووشه‌ممه‌ 10 ى 6 ى 2019  نێچیرڤان بارزانی له‌ هۆڵی سه‌عد عه‌بدوڵڵا سوێندی یاسایی خوارد و به‌و پێیه‌ش بوو به‌ دووه‌م سه‌رۆكی هه‌رێمی كوردستان