بەڕێوەبەرایەتی گشتی هاتووچۆ بڕیارێك بۆ ڕەنگ و تابلۆی تەكسی دەردەكات

بەو تەكسیانەی لەمەودوا ئارەزووی كاری تەكسیان نییە


بەڕێوەبەرایەتی گشتی هاتووچۆی هەرێم بڕیارێكی نوێ‌ بۆ ڕەنگ و تابلۆی ئەو تەكسیانە دەردەكات، كە لەمەودوا كاری تەكسییان پێ‌ ناكرێت و دەگۆڕدرێن بۆ ئۆتۆمبێلی تایبەت و جەختیشدەكاتەوە، كە لە سەرجەم ڕسوماتی تۆماركردن و ژینگە و ڕێگاوبان دەبەخشرێن.

بەڕێوەبەرایەتی گشتی هاتوچۆی هەرێم لەڕاگەیەندراوێكدا ئاماژەی بەوەكردووە، سەبارەت بەو تەكسیانەی لەمەودوا ئارەزووی كاری تەكسیان نییە، ئەوەخراوەتەروو، كەدەتوانن تابلۆكانیان بكەن بە تایبەت و لە سەرجەم رسوماتی تۆماركردن و ژینگەو رێگاوبان ببەخشرێن، بەم شێوەیە:

1-لەكاتی گۆڕینی ئۆتۆمبێلی تاكسی بۆ تایبەت پێویست بە گومرگ ناكات لەبەر ئەوەی ئەو ئۆتۆمبێلانە پێشتر تۆمار كراون تەنها لە كاتێكدا ئەگەر ئۆتۆمبێلەكە كێشەی لەژمارەی لاشەی یان پلێتەی كابینەیی هەبوو ئەوا رەوانەی گومرگ ئەكرێت.

2-سەبارەت بە رسوماتی تابلۆ تەنها رسوماتی چاپی تابلۆكەی لێوەردەگرێت كە بڕەكەی 50 هەزار دینارە.

3-سەبارەت بەڕەنگی خاكی ئۆتۆمبێلەكانیش خاوەنەكانیان ئازادن بەڕەنگ كردنی هەموو ئۆتۆمبێلەكەی بۆ ڕەنگێكی تر یان ئەتوانێت تەنها سەقفی ئۆتۆمبێلەكەی رەنگ بكات بە ڕەنگێكیتر.

4-كار بە ماددەی 8 لەیاسای هاتووچۆی ژمارە 86ی ستاڵی 2004 بكرێت.

پ: سامان زاهیر

 

otombel.jpg