Erbil 15°C سێشەممە 19 ئازار 07:28

شاندێکی ناوچه‌ کوردستانییه‌کان یادداشتنامه‌یه‌کیان پێشکه‌ش به‌ په‌رله‌مان کرد

سه‌رۆكی یه‌كێتی جوتیارانی كوردستان: پێویسته‌ جووتیارانی ناوچه‌ كوردستانییه‌كان قه‌ره‌بوو بكرێنه‌وه‌
پەرلەمانی كوردستان
کوردستان TV
100%

دوای ئه‌وه‌ی له‌ ماوه‌ی چه‌ند رۆژی رابردوو، شه‌پۆڵێكی دیكه‌ی به‌عه‌ربكردن و ده‌ركردن و سووتاندنی زه‌وی و موڵك و ماڵی هاووڵاتیانی كوردی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان ده‌ستیپێكرد .

دوو لێژنه‌ به‌ نوێنه‌رایه‌تی هاووڵاتیانی كه‌ركووك و خانه‌قین و دوبز له‌ نزیكه‌وه‌ لێژنه‌ی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمیان له‌ په‌رله‌مانی كوردستان، ئاگادار كرده‌وه‌. 

سه‌باره‌ت به‌و پرسه‌، جوان رۆژبه‌یانی سه‌رۆكی لێژنه‌ی ناوچه ‌كوردستانییه‌كانی ده‌ره‌وه‌ی ئیداره‌ی هه‌رێم له‌ كۆنگره‌یه‌كی رۆژنامه‌وانی رایگه‌یاند: نوێنه‌رانی ئه‌و ناوچانه‌ یادداشتنامه‌یه‌كیان راده‌ستی ئێمه‌ كردووه‌ كه‌ تێیدا داوای ئاساییكردنه‌وه‌ و گه‌ڕانه‌وه‌ی هێزی پیشمه‌رگه‌یان كردووه‌. 

هه‌روه‌ها هاتووه‌: ئیداره‌ به‌زۆر سه‌پێندراوه‌كه‌ی ئه‌و ناوچانه‌ پشتگیری له‌ به‌عه‌ره‌بكردنی ئه‌و ناوچانه‌ ده‌كات. 

جوان رۆژبه‌یانی ئاشكراشی كرد: دوای به‌دواداچوونی ره‌وشه‌كه‌ راپۆرتی گشتی خۆمان بۆ سه‌ركردایه‌تی سیاسی و هه‌ردوو حكوومه‌تی هه‌رێم و به‌غدا و هه‌روه‌ها نه‌ته‌وه‌یه‌كگرتووه‌كان و كونسوڵخانه‌كانی وڵاتان به‌رز ده‌كه‌ینه‌وه‌.

هه‌ر له‌باره‌ی دۆخی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان و ئه‌و ره‌وشه‌ی كه‌ جووتیاران به‌هۆی هاتنی عه‌ره‌به‌ هاورده‌كان تێی كه‌وتوون، یه‌كێتی جووتیارانی كوردستان له‌ كۆنگره‌یه‌كی رۆژنامه‌وانیدا چه‌ند داواكارییه‌كیان خسته‌ڕوو. 

هه‌ر له‌و باره‌وه‌ یاسین قادر سه‌رۆكی یه‌كێتی جوتیارانی كوردستان رایگه‌یاند: له‌ ماوه‌ی چه‌ند رۆژی رابردوودا جووتیارانی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم تووشی زوڵمێكی زۆر بوونه‌ته‌وه‌ و ئێمه‌ له‌ خه‌مخۆری و په‌رۆشی خۆمان هه‌وڵ بۆ چاره‌سه‌ركردنی ئه‌و كێشانه‌ ده‌ده‌ین. 

وتیشی، پێویسته‌ حكوومه‌تی عێراق رێكاری یاسایی له‌ به‌رامبه‌ر عه‌ره‌به‌ هاورده‌كان بگرێته‌به‌ر و ئه‌و جووتیارانه‌ش قه‌ره‌بوو بكاته‌وه‌.

كوردستان TV

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.