سەدر: ده‌مانه‌وێت عێراق نه‌بێته‌ به‌شێك له‌ شه‌ڕ و ململانێكان

داوا دەکات ئەم هەینییە خۆپیشاندانی فراوان ئەنجام بدرێت


رەوتی سەدر لە راگەیەندراوێکدا داوای کرد کە ئێوارەی هەینی 24ی ئایاری خۆپیشاندانی فراوان ئەنجامبدرێت.

راگەیەندراوەکە لیژنەی ناوەندیی سەرپەرشتیاری ناڕەزاییەکانی گەل لە عێراق دەریکردوە کە سەر بە رەوتی سەدرە و هۆکاری خۆپیشاندانەکەشی روونکردوەتەوە.

ئەمڕۆ سێشەممە 21 ی ئایاری 2019  ئیبراهیم جابری، به‌ڕێوبه‌ری نووسینگه‌ی سه‌در له‌ به‌غدا رایگه‌یاند،  شەوی هەینی خۆپیشاندان لەگۆڕەپانی تەحریر  بۆ پشتیوانی له‌ ئاسایشی عێراق و ئاشتیی و دوورخستنه‌وه‌یه‌تی له‌ ململانێی هه‌رێمایه‌تی و نێوده‌وڵه‌تی ئەنجام دەدرێت.
 
جابری ئاماژەی بەوەشكرد،  ده‌مانه‌وێت عێراق نه‌بێته‌ به‌شێك له‌ شه‌ڕ و ململانێكان و هانی حكومه‌ت بده‌ین، كه‌ نه‌چێته‌ هیچ سه‌نگه‌رێكه‌وه‌.
 
بەرپرسی نووسینگه‌ی سەدر ئەوەشی خستەڕوو، خۆپیشاندانی ئاشتیانه‌ رۆژی هه‌ینی 24ی ئه‌م مانگه‌ و له‌ كاتژمێر 9ی شه‌و له‌ هه‌موو پارێزگاكانی عێراق جگه‌ له‌ نه‌جه‌ف به‌ڕێوه‌ده‌چێت.

و: سامان زاهیر