لە  كەركووك دوو مۆڵگەی چەکدارانی تیرۆریستی داعش  تێكدران

لەنێو مۆڵگەكانی داعشدا، جلوبەرگ و خواردەمەنیی تێدا بووە

هێزێكی پۆلیسی فیدڕاڵی، لە سنووری پارێزگای كەركووك، دوو مۆڵگەی چەکدارانی تیرۆریستی داعشیان تێكدا.

بەپێی راگەیەندراوێكی پۆلیسی فیدڕاڵی عێراق، لە هەڵمەتێكی پۆلیسی فیدڕاڵیی عێراقدا بە پاڵپشتیی فڕۆكەی جەنگی تواندرا لە گوندی (وادی خەناجر)ی سەر بە شارەدێی رەشاد لە سنووری پارێزگای كەركووك، دوو مۆڵگەی تیرۆریستانی داعش بدۆزنەوە و تێکیان بدەن.

راگەیەندراوەكە ئەوەشی خستووەتە ڕوو، لەنێو مۆڵگەكانی داعشدا، جلوبەرگ و خواردەمەنیی تێدا بووە و پاشان هەردوو مۆڵگەكە تێكدران و سووتێندراون.

لە 16ی ئۆكتۆبەری 2017 میلیشیاكانی حەشدی شەعبی كەركووكیان بە رێككەوتن لەگەڵ گرووپێكی خیانەتكار داگیر كرد و لەو كاتەوە دۆخی ئەمنیی كەركووك ناجێگیرە و جموجۆڵی داعشیش زیادی كردووە.