ئاسایشى هه‌ولێر راگه‌یەندراوێكى سەبارەت بە ئه‌م وێنه‌یه‌ بڵاوكرده‌وه‌

وێنه‌یه‌كی بۆ ماڵپه‌ری كوردستان تیڤی نێردراوه‌

له‌ راگه‌یه‌ندراوێكدا كه‌ وێنه‌یه‌كی بۆ ماڵپه‌ری كوردستان تیڤى نێردراوه‌ به‌ڕێوه‌به‌رایه‌تی ئاسایشی هه‌ولێر ده‌ستگیركردنی تاوانبارێكی رووداوه‌ تیرۆرستیه‌كه‌ی چواری ئه‌م مانگه‌ی موسڵی راگه‌یاند كه‌ ئه‌مه‌ ده‌قی راگه‌یه‌ندراوه‌كه‌یه‌: 

دوای رووداوی ته‌قینه‌وه‌ی تیرۆرستی ماتۆرسكیلێك له‌ شاری موسڵ، له‌ به‌رده‌م كۆمه‌ڵگای رۆشنبیری " مه‌جموعه‌ سه‌قافیه"‌ له‌ به‌رواری 4ی 5ی 2019، له‌لایه‌ن سه‌رچاوه‌كانمان زانیاریمان پێگه‌یشت له‌سه‌ر تاوانباری راكردوو كه‌ هه‌ڵسابوو به‌ ئه‌نجامدانی ئه‌م كرده‌وه‌ تیرۆرستیه‌. 

تیمه‌كانی به‌دواداچوون ، لێكۆلینه‌وه‌ی وردیان له‌ سه‌ر كردو و توانرا تاوانبار ئه‌حمه‌د محه‌مه‌د مێهدی ساڵح ده‌ستگیر بكرێت و پاش لێكۆڵینه‌وه‌ له‌ گه‌ڵیدا دانی نا به‌ تاوانه‌كه‌ی و ئێستا به‌نده‌ به‌ مادده‌ی چواری تیرۆر و له‌سه‌ر فه‌رمانی دادوه‌ری لێكۆڵینه‌وه‌و به‌ پێی تایبه‌تمه‌ندی یاسایی ،هه‌ماهه‌نگی ده‌كرێت له‌گه‌ڵ دادگای په‌یوه‌ندیدار له‌ حكوومه‌تی فیدراڵی بۆ راده‌ستكردنیان و گرتنبه‌ری رێوشوێنی یاسایی. 

 

1

دارشتنه‌وه‌ى هه‌واڵ - شوان عه‌زیز