راگه‌یه‌ندكارێكی کۆمەڵی ئیسلامی دەست لەکار کێشانەوەی خۆی راگه‌یاند

كه‌ سه‌یرم كرد خه‌مخۆر و دڵسۆزانێكی زۆر نیگه‌رانن له‌و‌ حیزبه‌ و هه‌وڵی جددی نادرێ


نایف ئاسودە کادیری ڕاگەیاندنی کۆمەڵی ئیسلامیی کوردستان، لە ھەژماری خۆی لە تۆڕی کۆمەڵایەتیی (فەیسبووک) بڵاوی کردووەتەوە، دەست لەکار کێشانەوەی خۆم رادەگەیەنم لەو انەوەی خۆم رادەگەیەنم لەو حزبە و لەو بەروارەوە من ھیچ پەیوەندییەکی سیاسیی و یاساییم بە (کۆمەڵی ئیسلامی)یەوە نامێنێ.


به‌ناوی خوای گه‌وره‌ و میهره‌بان

من (نایف عوسمان سلێمان) ناسراو به‌(نایف ئاسوده‌) كادیری راگه‌یاندنی كۆمه‌ڵی ئیسلامیی، له‌ به‌رواری (2019/5/9) ه‌وه‌ ده‌ستله‌كاركێشانه‌وه‌ی خۆم راده‌گه‌یه‌نم له‌و حیزبه‌و، له‌و به‌رواره‌وه‌ من هیچ په‌یوه‌ندیه‌كی سیاسی و یاساییم به‌ (كۆمه‌ڵی ئیسلامی)یه‌وه‌ نامێنێ.

كۆمه‌ڵ نه‌بوون یه‌كسان نیه‌ به‌ ده‌رچوون له‌ موسڵمانێتی و، هیوادارم تا دوێنێ كه‌‌ ئه‌و حیزبه‌ به‌ ئه‌ندامێتی خۆی قبوڵ كردبووم و پیاوی باش بووبم ئه‌مڕۆ به‌ده‌رچوونم لێی نه‌بمه‌ كه‌سێكی خراپ، ئه‌وانه‌ی درێژه‌ به‌ كاروانه‌كه‌ش‌ ده‌ده‌ن هه‌ر به‌ڕێز و برا و خوشكی منن.

ئه‌گه‌رچی ته‌مه‌ننای ئه‌وه‌م نه‌ده‌كرد رۆژێك بڕیارێكی له‌و جۆره‌ بده‌م، به‌ڵام كه‌ سه‌یرم كرد خه‌مخۆر و دڵسۆزانێكی زۆر نیگه‌رانن له‌و‌ حیزبه‌ و هه‌وڵی جددی نادرێ بۆ لێكتێگه‌یشتن و برایه‌تی و پێكه‌وه‌ بوون، ناچاری كردم ئه‌و بڕیاره‌ بده‌م.

هه‌موو لایه‌كیش دڵنیا ده‌كه‌مه‌وه‌ كه‌ تا ده‌مرم پشتیوان به‌خوا درێژه‌ به‌ كاری راگه‌یاندن و بانگه‌وازی خۆم بده‌م وه‌ك ئه‌وه‌ی كه له‌سه‌ری په‌روه‌رده‌ بوومه‌ و ‌ (25) ساڵه‌ له‌نێو ئه‌و رابوونه‌م و له‌سه‌ر ئه‌م رێگایه‌ لام نه‌داوه‌،‌ به‌ڵێن بێ تا دوا هه‌ناسه‌م ئیسلام وه‌ك چه‌تری سه‌ر سه‌رم ده‌هێڵمه‌وه‌ و بۆ قیامه‌تی خۆم و رازی بوونی خودای خۆم هه‌وڵ و ماندووبوونی بۆ ده‌ده‌م.

والسلام علیكم
نایف ئاسوده‌

2019/5/9

https://www.facebook.com/naif.asuda

پ/ سامان زاهیر