سەرۆك بارزانی لەگەڵ یاوەرانی بارزانیی نەمر لە سۆڤیەتی پێشوو كۆبۆوە

بە خەباتی بێ وێنەی خۆیان مێژوویەكی پڕ لە شانازییان بۆ گەلەكەیان دروست كردووە


سەرۆك بارزانی پێزانینی بۆ ماندووبوون و قارەمانێتیی یاوەرانی بارزانیی نەمر لە سۆڤیەتی پێشوو هەبوو و جەختی كردەوە كە ڕەنج و ماندووبوونیان هەرگیز لەبیر ناچێت.

ڕۆژی پێنجشەممە 9ـی 5ـی 2019 سەرۆك مەسعود بارزانی بە مەبەستی هەواڵپرسین و دیدار لەگەڵ ژمارەیەك لە یاوەرانی جەنابی بارزانیی نەمر، ئەوانەی كە هێشتا لە ژیاندا ماوون كۆبۆوە.

لەم كۆبوونەوەیەدا سەرۆك بارزانی لە ئەحوال و بار و گوزەرانی ژیان و تەندروستیانی پرسی و دیداری لەگەڵیان بە مایەی شانازی و خۆشحاڵیی خۆی زانی.

سەرۆك بارزانی پێزانینی بۆ ماندووبوون و قارەمانێتیی یاوەرانی بارزانیی نەمر لە سۆڤیەتی پێشوو هەبوو چ ئەوانەی لە ژیاندا ماون یانیش شەهید بوونە و كۆچی دواییان كردووە و جەختی كردەوە كە ڕەنج و ماندووبوونیان هەرگیز لەبیر ناچێت و بە خەباتی بێ وێنەی خۆیان مێژوویەكی پڕ لە شانازییان بۆ گەلەكەیان دروست كردووە.

serok-barzani-yawarani-barz.jpg