وەزارەتی دارایی له‌سه‌ر پێدانى مووچه‌ى فه‌رمانبه‌رانى هه‌رێم ڕوونكردنه‌وه‌یه‌ك بڵاو ده‌كاته‌وه‌

‌وێنه‌یه‌ك بۆ ماڵپه‌ری كوردستان تیڤى نێردراوه‌

له‌ڕوونكردنه‌وه‌یه‌كدا كه‌وێنه‌یه‌ك بۆ ماڵپه‌ری كوردستان تیڤى نێردراوه‌ ، وەزارەتی دارایی و ئابووری هه‌رێمی كوردستان وەڵامی رێبوار كه‌ریم ئه‌ندامی ئه‌نجومه‌نى نوێنه‌رانى عێراق  ده‌دات و ڕایده‌گه‌ێنێت ،  مووچەی مووچەخۆران بەهیچ شێوەیەک بۆ بوارێکی تر خەرجنەکراوە.

وه‌زاره‌تى دارایی و ئابووری هه‌رێمی كوردستان ڕایده‌گه‌ێنێت ، ڕۆژى هه‌ینى  لە چاوپێكەوتنێكدا لەبەشی كوردی دەنگی ئەمریكا پەرلەمانتاری عیراق ڕێبوار كەریم ڕایگەیاندبوو: حكومەتی هەرێم پارەی موچەی فەرمانبەرانی هەرێمی كوردستان كە لەبەغداوە هاتووە بۆ شتی تر خەرج كردووە و بەپێی زانیارییەكانمان داویانە بە پارەی وەبەرهێنەران، وەك وەزارەتی دارایی و ئابوری حكومەتی هەرێمی كوردستان دەمانەوەت ئەم چەند خاڵە بخەینە بەرچاوی ئەو پەرلەمانتارە بەڕێزە و هاوڵاتیانی كوردستان كە ئەو پارەیە لەچیدا خەرج كراوە.

١- حكومەتی ھەرێم مانگانە لە ٥ مانگەوە موچەی دابەش كردوە و ئەم مانگە ئە و رۆژە كەوتە ھەینییەوە و دو رۆژ دواكەوت .
٢- حكومەتی بەغداد بۆ مانگی ١ +٢ /٢٠١٩ بری ٣١٧ ملیار دیناری ناردوە بۆ ھەرێم و بەوەش مو چەی مانگی ١٠ + ١١ /٢٠١٨ ی پێ دراوە بە سیستەمی پاشەكەوت

٣-لە مانگی ٣ دا بری ٤٥٣ ملیار دینار ھات كە موچەی مانگی ١٢/٢٠١٨ ی پێ دراو بێ پاشە كەوت كە مو چە بێ پاشەكەوت پێویستی بە ٨٨١ ملیار دینارە مانگانە و بری ٢٠٠ ملیار دینار بۆ تەواوكاری مانگی ١+ ٢ ھاتوە كە بۆ موچەی وەزارەتی پێشمەرگە و دەرمالە و فەرقی مو چەی موچەخۆران بەكار ھاتوەو بە ھیچ شێوەیەك بۆ ھیچ بابەتێكی تر بە كار نە ھاتوەو تەواوی ئەو قسە و ھەوالە ناراستانە رەت دەكەینەوەو ھیچ بنە مایەكی نییە.
مانگانە حكومەتی ھەرێم لە نێوان ٥ مانگ تا ٢٥ مانگ موچەی فەرمانبەران و خانە نشینان دابەش دەكات و ئەم مانگەش ٢٣/٤ كۆتا رۆژی دابەشكردنی مو چەی ئەم مانگەیە

 ڕوونكردنه‌وه‌كه‌ى وه‌زاره‌تى دارایی و ئابووری هه‌رێم دوای ئه‌و لێدوانه‌ى رێبوار كەرێم مەحمود ئەندامی  ئه‌نجومه‌نى  عێراق هات كه‌  ڕۆژی هه‌ینى بەدەنگی ئەمەریکای رایگەیاندبوو ئەوەی بیستومانە ئەو پارەیەی بەغدا ناردوویەتی دراوەتە وەبەرهێنەران بەڵام ئەوەی كە لێی دڵنیاین ئەوەیە پارەی موچەی فەرمانبەرانی هەرێم كە لەبەغدادەوە هاتووە لەشتی تردا خەرج كراوە، وە ئێمە سەرقاڵین تا دڵنیابینەوە لەچیدا خەرج كراوە


وه‌زاره‌تى دارایی و ئابووریش لێدوان و وته‌كانی ڕێبوار كه‌ریمی ڕه‌تكرده‌وه‌ ڕوونكردنه‌وه‌ى له‌سه‌ر ئه‌و بڕه‌ پاره‌یه‌دا كه‌به‌غدا ناردویه‌تى بۆ هه‌رێم و چۆنیه‌تى خه‌رجكردنه‌كه‌شی خسته‌ ڕوو 


دارشتنه‌وه‌ى هه‌واڵ - شوان عه‌زیز