بارەگای بارزانی: وەكیل مستەفایۆڤ خزمەتێكی گەورەی مێژووی گەلی كوردی كردووە لە دەستدانی خەسارەتێكی گەورەیە

بارەگای بارزانی سەرەخۆشی لە وەكیل مستەفایۆڤ دەكات


بۆ خانەوادەی وەكیل مستەفایۆڤ

بە داخێكی زۆرەوە هەواڵی كۆچی دوایی وەكیل مستەفایۆڤ نووسەر و كەسایەتیی دیاری كوردی وڵاتانی سۆڤیەتی پێشوومان پێ گەییشت. خوالێخۆشبوو كەسێكی نیشتیمانپەروەر بوو كە خزمەتێكی گەورەی مێژووی گەلی كورد كردووە و لە دەستدانی خەسارەتێكی گەورەیە.

بەم بۆنە خەمناكەوە سەرەخۆشی لە ئێوە و كەسوكار و ئاشنایانتان دەكەین و خۆمان بە هاوخەمتان دەزانین. لە خودای گەورە داواكارین خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیە راجعون

بارەگای بارزانی
20ـی 4ـی 2019