ڤیدیۆ ... بارسێلۆنا و هۆیسكا یه‌كسان بوون

له‌لالیگادا


یانه‌ی بارسێلۆنای پێشه‌نگی ڕیزبه‌ندی یانه‌كان و پاڵه‌وانی وه‌رزی ڕابردووی خولی ئیسپانیا كه‌وته‌ داوی یه‌كسان بوون و له‌ هه‌فته‌ی سیی و دووه‌می خوله‌كه‌دا، له‌گه‌ڵ یانه‌ی هوێسكای میوانداری به‌رامبه‌ربوو


 ئێرنیستۆ ڤالڤێردی ڕاهێنه‌ری بارسا پێكهاته‌یه‌كی له‌ زۆرینه‌ی یاریزانانی لاو و یه‌ده‌گ بۆ یاریه‌كه‌ ده‌ستنیشانكردبوو و پشووی به‌ مێسی و سوارێزو چه‌ند یاریزانێكی دیكه‌ی سه‌ره‌كی تیپه‌كه‌ی دابوو، له‌ یاریه‌كه‌دا یاریزانانی هه‌ردوو تیپ چه‌ند جارێك به‌ختی خۆیان له‌ گۆڵی یه‌كتر تاقیكرده‌وه، له‌ ڕیزی بارسا هه‌ریه‌ك له‌ دێمبلی و مالكۆم و كارلیس ئالینا چه‌ند ده‌رفه‌تێكیان له‌ده‌ستدا، له‌و لاشه‌وه‌ ئێریك گایگۆ و هاوڕێكانی له‌ بڕینی به‌ربه‌ستی به‌رگریكاران و گۆڵپارێزی بارسا سه‌ركه‌وتوو نه‌بوون، گۆڕانكاریه‌كانی ڕاهێنه‌رانی هه‌ردوو تیپیش له‌ گێمی دووه‌م به‌رهه‌می نه‌بوو و سه‌ره‌نجام هه‌ردوو تیپ بێ گۆڵ یه‌كسان بوون

به‌م ئه‌نجامه‌ش كۆی خاڵه‌كانی بارسێلۆنا له‌ سه‌رووی لیستی ڕیزبه‌ندی یانه‌كان بۆ حه‌فتاوچوار خاڵ به‌رزبووه‌وه‌و هوێسكاش به‌ بیستوپێنج خاڵ له‌ دوایین خانه‌ی ڕیزبه‌ند دێت