سبەی بڕه‌ پاره‌یه‌ك به‌سه‌ر به‌شێك له‌ هاووڵاتیانی هه‌رێم دابه‌ش ده‌كرێت

لەسەردەمی ڕژێمی پێشوو موڵكەكانیان دەستی بەسەرگیراوە


لەلایەن حكومەتی بەغداوە بەمەبەستی قەرەبووكردنەوەی هاووڵاتیانی هەرێمی كوردستان، بڕی 400 ملێۆن دینار گەیشتە هەرێمی كوردستان و سبەی یەك شەممە 2019/4/14 پارەكە دابەش دەكرێت.

تارا ئەنوەر قەرەداغی بەڕێوەبەری گشتی دەستەی داواكانی موڵكداری ڕایگەیاند: بۆ قەرەبووكردنەوەی ئەو هاووڵاتیانەی لەسەردەمی ڕژێمی پێشووی عیراق موڵكەكانیان دەستی بەسەرگیراوە و لەدەستیان داوە لەشارەكانی هەرێم لەلایەن لێژنەی دادوەری دەستەكەمانەوە داوایان پێشكەشكردوە و ئێستاش پلەی كۆتایی وەرگرتووە و قەرەبوودەكرێنەوەو 150 كەس سوودمەند دەبن لەم قەرەبووكردنەوەیە .

هەروەها گوتیشی: بە ئامانجی قەرەبوو كردنەوەیان بڕی 400 ملیۆن دینار لە بەغداوە گەیشتۆتە هەرێم و سبەی یەكشەممە 2019/4/14 پارەكە بەسەر ئەو هاووڵاتیانە دابەش دەكەن و قەرەبوویان دەكەنەوە.

ئا: سیامه‌ند كه‌ریم