به‌فرو باران بارین ده‌ست پێده‌كاته‌وه‌و تا كۆتایی هه‌فته‌ به‌رده‌وام ده‌بێت

مه‌ترسی به‌رزبوونه‌وه‌ی ئاستی ئاو له‌ چه‌ند ناوچه‌یه‌ك هه‌یه‌

 كه‌شناسی پێشبینتی كردووه‌ كه‌ باران بارین ده‌ست پێده‌كاته‌وه‌و شه‌پۆڵه‌ باران بارینه‌كه‌ش تا كۆتایی هه‌فته‌ به‌ شێوه‌یه‌كی نمه‌ بارانی پچڕپچڕ له‌كات و شوێنی جیاجیادا به‌رده‌وام ده‌بێت.

به‌رێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان ، له‌هه‌ژماری تایبه‌تی خۆیدا له‌ تۆڕی كۆمه‌ڵایه‌تی فه‌یسبووك، باری كه‌شوای هه‌وای شاره‌كانی هه‌رێمی كوردستان بۆ ئه‌مڕۆو سبه‌ی رایگه‌یاندووه‌و هۆشداریشی داوه‌ كه‌ به‌ره‌به‌یانی روِژی دووشه‌ممه‌ مه‌ترسی به‌رزبوونه‌وه‌ی ئاستی ئاو له‌ ناوچه‌كانی دیبه‌گه‌، مه‌خمور، قه‌راج ، دووزخورماتوو، كفری، ئامرلی ، حه‌ویجه‌، هه‌یه‌.

ده‌شڵێت: شه‌پۆڵه‌ باران بارینه‌كه‌ تا كۆتایی هه‌فته‌ به‌ شێوه‌یه‌كی نمه‌ بارانی پچڕپچڕ له‌كات و شوێنی جیاجیادا به‌رده‌وام ده‌بێت.

111312

داڕشتنه‌وه‌ی هه‌واڵ/ رزگار